Apirilaren 27an

'Bilbo Gerra Karlistetan Setiatuta' proiekzioa jasoko du Bidebarrietak

26.04.2022 | 15:21

Asteazken honetan, apirilak 27, arratsaldeko 19.00etatik aurrera, Bidebarrieta Kulturguneak 'Begoñako Argia' proiektuaren barruan antolatutako 'Bilbo Gerra Karlistetan Setiatuta' izeneko proiekzioa eta hitzaldia jasoko du. Ekitaldia Bidebarrietako liburutegiko areto nagusian ospatuko da.

Bihar ospatuko den hitzordua azken gerra karlistaren 150 urteak gogoratzeko eguna izango da. Begoñako hilerrian egindako ikerketa arkeologikoen baitan Gerra Karlistetako soldaduen hobiak aurkitu dira, Bilboko hiribildua setiatu zuten gerra horien ondorio larrien lekuko. Hori guztia Begoñako Argia proiektuaren baitan, gure herriaren memoria historikoa berreskuratzeko egiten ari den prozesuaren parte da.

Aurkikuntzak ezagutzera emateko, alde batetik Aitor Bizkarra bertsolaria izango da bertan, Paul Beitia musikariak gitarrarekin lagunduta, garai hartako bertsoak kantatuz. Zumalakarregi museoko Mikel Alberdi ikertzaileak XIX. mendeko testuinguru soziopolitikoan kokatuko du publikoa, Carme Coch arkeologoak Begoñan aurkitutako hobiak azalduko ditu eta azkenik Juantxo Egañak, argazki zirraragarrien bidez, duela 150 urteko Bilbora eramango du bertara hurbilduko diren guztiei.

"Begoñako Argia"k Begoñako hilerrian jartzen du arreta, gaur egun erabiltzen ez den hilerrian, 1813tik 2006ra funtzionamenduan egon zena eta Bilboko bilakaeraren, garapenaren, hazkundearen eta historiaren lekukotza fidela dena. Bere existentzia osoan zehar, bere hobi eta panteoietan, Bilboko ehunka pertsonen hondakinak pilatu dira eta aktibo egon zen Bigarren Errepublikan edo Gerra Zibilean bezalako une konplexuetan ere.

Aranzadi Zientzia Elkarteak uste du leku horrek potentzialtasun handia duela iragana ezagutzeko, eta oso leku egokia dela metodologia zientifiko egokiarekin eta sentsibilitate tekniko egokiarekin ikertzeko, baita ondare materiala eta immateriala batzen dituzten elementuetan jarduteko ere.

Ildo horretan, Bidebarrietako Liburutegiak proiektu hori protagonista duten hitzaldiak hartu ditu azken hilabeteetan. Hiritarrei irekitako hitzorduak dira, eta hiritarren zientzia garatzera bideratutako zenbait jarduera osatzen dituzte, tokian tokiko Memoria Historikoa testuinguruan kokatzen eta balioesteko helburuarekin.

Bidebarrieta Kulturgunea Bidebarrietako Liburutegiak kulturari eskainitako gunea da. Bere helburuen artean kultura, literatura eta zientziaren garapena eta sustapensa daude.

  • Hitzordu honetarako sarrera doakoa da eta sarrera librea izango da lekua bete arte.
  • Bertaratzerik ez badago, aurkezpena streaming bidez jarraitu ahal izango da Bidebarrieta Kulturguneko YouTube kanalean.
noticias de deia