BILBO. Datorren larunbatetik aurrera, urtarrilak 16, eta martxoaren 27ra arte, 'Betiko musika de siempre' izeneko jaialdia jasoko du Otxarkoaga auzoko Udaltegiak. Hala, hilean bi larunbatetan, Nafarroako jotak, tangoa, bilbainadak, boleroak eta arrantxerak entzun ahal izango dira. Ikuskizun guztiak arratsaldeko 18:00etan daude programatuta.
Helduentzat zuzenduta, 'Betiko Musika de siempre' programa osoa dohainik izango da, baina emanaldien egunean bertan erreserbatu behar da gonbidapena, 10:00etatik hasi baino ordubete lehenago, 688 603 737 telefonoan.
Nahitaezkoa izango da indarra duten babes eta higiene neurriak betetzea. Era berean, nahitaezkoa da maskararen erabilera jarduketa osoan.
BETIKO MUSIKA DE SIEMPRE
- Larunbata, urtarrilak 16, 18:00etan
LA GUARDIA VIEJA. Tango y música argentina. 90´
- Fernando Valsega, kantaria
- Pantxo Cruz, Isidro Salinas, Manuel Ricardes, ahotsa eta gitarra
Tangoa, huts-hutsa. Horrela jaio zen, ahots eta gitarrekin, Buenos Airesko patio immigranteen ametsez beteetan. Errabaletako milonga eta landa-eremuko folklorea. Argentinako musika herrikoienaren esentzia garbia.
- Larunbata, urtarrilak 30 18:00etan
ARANTZA ETA PANTXO. Viaje por Latinoamérica a través de la música. 70´
- Arantza Salterin, Pantxo cruz, gitarra eta ahotsa
- Nika Bitchiashvili, biolina
Beren musika hasi Mexikon Argentinako Patagoniarainokoa da, alde batera utzi gabe euskarazko musikako kanta klasiko handiak. Horrek irudimenezko bidaia handi batera eroango gaitu.
- Larunbata, otsailak 13, 18:00etan
MARIACHI LOS CAZAHUATES. Aventura ranchera. 90´
- Elba Zabalza, Carol Abad, Sergio Biurrun, kantariak
- Javier Iñigo, gitarroia
- Joseba Montesinos, gitarra
- Juan Torres, bihuela
- Gaizka San Pedro, Aitor Alzugaray, tronpetak
- Iñaki Zugaldia, acordeoia
Mariachi Los Cazahuates Nafarroako talde bat da, Javier Iñigok mexikar musikaren eta hango genero herrikoiaren alderako duen karretik sortua. Talde honek musika rantxeroa oso modu berezian interpretatzen du, eta, betiere, xede bikoitzarekin: gozatzea eta gozaraztea. Mexikar mariachi tradizionala da, iparraldeko kutsuarekin, eta badu bereizgarri bat, "betiko" mexikar kanten sonoritate berriak saiatzen baititu, berek egindako musika-konponketekin aberastuz.
- Larunbata, otsailak 27. 18:00etan
LOS BOTXEROS. Botxo, botxito. 90´
- Agustín Ferrero Fernández, teklatuak
- José Antonio González Vizcaya, lehen ahotsa
- José Luis Fernández Pérez, gitarra, baxua eta hirugarren ahotsa
- Eduardo Robles García, perkusioa eta bigarren ahotsa
- Jacinto Oñate Ysen, gitarra espainola eta elektrikoa, laugarren ahotsa
1.935aren aldera, "Los Botxeros" taldea sortu zen Bilbon. Zenón Garamendi izan zen kide ospetsuena, ahotsagatik, etorriagatik eta sinpatiagatik. Gaur den egunean, "Bilbainada klasikoez" gain, baditu bere errepertorio oparoan kanta lirikoak ere, hala nola "No puede ser", "Taberna del puerto" lanetik hartua; zortzikoak, boleroren bat...Bereizgarririk onena, ostera, kanta bakoitza 4 ahotsez kantatzea, indar eta kalitate berezi batez hornitzen baitituzte horrela.
- Larunbata, martxoak 13. 18:00etan
LA RIBERA CANTA. Jotas de siempre. 60´
- Amaya Iñiguez de Pradejón, akordeoi-jotzaileak
- Yoana Aznar Ayala de Tudela, gitarra-jotzaileak
- Beatriz Gómara Ibarbuen de Tudela, Cristina Sábaba Ezquerro de Sagartuda, lehen ahotsak
- Dioni Astrain Echavarri de Ayegui eta Leire Goñi Marín de Murillo del Fruto, bigarren ahotsak
La Ribera Canta Tuterako Udalaren Jota Eskolan sortu zen. Duela 30 urte, eskola horretako 6 kidek erabaki zuten lanbidetzat hartzea jota-kantua.
- Larunbata, martxoak 27. 18:00etan
TRÍO VERACRUZ. Canciones del alma. 75´
- Juana Ogáyar Navarrete eta José Sánchez Fernández, ahotsa eta gitarra
- Alberto Martín Lanas, ahotsa eta errekintoa
Bi gizonek eta emakume batek, bi gitarra-jotzailek, errekinto batek eta hiru ahotsek osatzen dute talde hau, sentimenduak kantuen bitartez adierazten dituena.
Haien profesionaltasunaren berme, zuzenean eman dituzten bi mila kontzertu baino gehiago eta lau disko, lehena 1997an grabatua. Disko guztietan, beren kantuekin batera, mundu osoan zehar musika latinoaren arloko kantagintzan diren talderik ezagunenen bertsioak biltzen dituzte.
