Abenduaren 17an

Argazkineta proiektuaren amaierako emaitza ikusgai egongo da San Inazion

15.12.2020 | 04:00
Bilboko hainbat auzoetako dokumentu historikoak bildu dira Argazkinetari esker.

BILBO. Datorren ostegunean, abenduak 17, arratsaldeko 19:00etatik aurrera, Argazkineta proiektuaren amaierako emaitza egongo da ikusgai San Inazio auzoan dagoen San Ignacio de Loyolako elizan.

Bilboko Udalak, ondarea zabaltzeko Bilbao Izan udal-programaren barruan, 'Argazkineta' proiektuaren emaitzak partekatuko ditu San Inazio, Elorrieta, Sarriko eta Ibarrekolanda auzoetako auzokideekin abenduaren 17an, 19:00etan, San Ingnacio de Loyolako elizan (San Inazio).

Argazkineta auzotarrek parte hartzeko ekimena da, eta auzoen historia berreraiki eta sakondu nahi du, Bilboko auzoetako bizilagunek eman ditzaketen dokumentazioa eta testigantzak bilduz.

Hala, joan den urrian furgoneta bat jarri zen martxan, eta aipatutako auzoetako kale eta plaza guztien barrena ibili da, argazkiak, negatiboak, diapositibak, kartelak, bonuak, postalak, prentsa-ebakinak, aldizkariak, panfletoak, mapak, bideoak edo idatzizko dokumentuak bilduz eta digitalizatuz.

Guztira, 50 pertsona baino gehiago hurbildu ziren furgonetara aipatutako lau auzoetan, elkarrizketarako, partekatzeko eta ekimenari buruz gehiago jakiteko. Gainera, azaroan, 17 pertsonek hartu zuten parte ekimenean, Argazkineta kameraren aurrean furgonetan utzitako materialari buruzko oroitzapenak partekatuz.

ARGAZKINETA SHOW

Orain, emaitzak Argazkineta Show-ekin partekatzeko unea iritsi da. Argazkineta Show ekitaldi dibertigarria, parte-hartzailea eta atsegina da, non Argazkineta proiektura joan den urrian eta azaroan hurbildu zirenen argazkiak, bideoak, oroitzapenak eta bizipenak proiektatuko diren. Hilaren 17an (osteguna), irudiak eta pertsonak protagonista izango diren hitzordura sartzea doakoa da, baina ezinbestekoa da gonbidapen bat erreserbatzea 688 603 737 telefonora deituz. Erreserba ekitaldiaren egun berean egin behar da, 10:00etatik hasi baino ordubete lehenago.

Indarrean dauden higiene eta babes neurriak bete beharko dira eta maskararen erabilera nahitaezkoa izanen da beti.

BILBO IZAN

Ondarea zabaltzeko Bilbao Izan udal-programa duela 15 urte sortu zen, Bilboko biztanleei eta, oro har, historian interesa duen edonori hiriaren ondarea eta bilakaera eta gaur egun Uria osatzen duten espazioen eraikuntza denboran zehar ezagutzeko.

Esparru horretan, tokiko historiari buruzko liburuak argitaratu dira, eta auzoetan zehar bisita gidatuak antolatzen dira. Gainera, ibilbideak auto-giden bilduma batean bildu ziren; auzoen historiari buruzko hitzaldiak egin dira eta zortzi argazki erakusketa antolatu dira.

#BILBAOGABONAK

Programa hau #BilbaoGabonak ekimenaren parte da, Gabonak inguruko aste hauetan kultura eta aisiaz beteko duena.

noticias de deia