Azkuna Zentroan

Asteazkenean irekiko ditu ateak BBK Mediatekako Txikitekak

07.12.2020 | 17:13
Azkuna Zentroaren eraikinaren artxiboko irudia.

BILBO. Datorren asteazkenetik aurrera, abenduak 9, Azkuna Zentroko BBK Mediatekako Txikiteka berriak irekiko ditu ateak.

Mediateka BBK-k 2010eko urrian ateak ireki zituenetik, haurrentzako gune hau erreferentziazkoa izan da. Leku honetan, familiek liburuak partekatzen eta haiekin esperimentatzen dute, eta ehunka haur hurbildu dira lehen irakurketak egitera, literaturaren mundura, bai eta komikiaren eta bideo-jokoen arlora ere.

Orain, Mediatekaren bilakaeraren barruan, gunea birpentsatu egin da, haurren eta gazteen sormena, esperimentazioa eta garapena sortzeko, 0 eta 12 urte bitarteko publikoari zuzenduta.

Txikilanden espazioa eraldatu egin da, bilduma apaletatik harmailetara eta espazioan gailentzen den liburuen zuhaitz berrira eraman da, erabiltzaileen autonomia sustatzeko. Gune malgua eta balio anitzekoa ere bada, ikasteko, taldeka lan egiteko eta ikuspegi garaikidetik egindako kultura-programazioa garatzeko balio baitu; era berean, sormen artistikorako, ilustraziorako edo kultura digitalerako jarduerak ere izango dira, besteak beste.

Mediateka BBK-ko gainerako lekuetan bezala, Txikitekan ere beharrezkoak diren segurtasun-neurri guztiak betetzen dira, eremu segurua izan dadin.

Astelehenetik ostiralera zabalik, 10:00etatik 20:00etara. Oraingoz, liburuak kontsultatzeko eta maileguan hartzeko erabil daiteke, gehienez ere hamar minutuz, betiere gune horretan jarduerarik egiten ez bada. Pertsona heldu batek bakarrik izango du sarrera, hiru adingaberekin batera.

GABONETAKO JARDUERAK

Txikitekaren jarduera-programa hainbat proposamenekin hasiko da, 6 eta 12 urte bitarteko haurrengan irakurzaletasuna sustatzeko.

Gure sagarrondoa (6-12 urte)

Jarduera honetan, haurren irakurketa, sormena eta autonomia sustatzen dira jolasaren bidez. Liburuen zuhaitzak hainbat gai eta hitz ezkutatzen ditu bere frutetan, eta horiek abiaburu dira hitz egiteko eta ikertzeko.

Erantzun okerrak soilik! (6-9 urte)

Fakenew-en garai honetan, egiazkoaren eta faltsuaren rolak aldatu egiten dira, eta jakintza zuzena balioesten da okerreko erantzunak hautemateko. Talde-joko honetan, engainua hautematen duenak irabaziko du.

Nola amaitzen da istorioa? (9-12 urte)

Irakurri idazteko. Jarduera honen bidez, haurren sormena sustatu nahi da, proposatzen zaizkien istorioak asmatzeko edo haiei jarraipena emateko, banaka zein taldeka sortuz.

PROGRAMA

Abenduak 23, asteazkena

  • 12:00 eta 13:00 Gure sagarrondoa (6-12 urte)
  • 17:00 eta 18:00 Erantzun okerrak soilik! (6-9 urte)

Abenduak 24, osteguna

  • 12:00 eta 13:00 Nola amaitzen da istorioa? (9-12 urte)

Abenduak 29, asteartea

  • 12:00 eta 13:00 Nola amaitzen da istorioa? (6-9 urte)
  • 17:00 eta 18:00 Nola amaitzen da istorioa? (9-12 urte)

Abenduak 30, asteazkena

  • 12:00 eta 13:00 Erantzun okerrak soilik! (6-9 urte)
  • 17:00 eta 18:00 Gure sagarrondoa (10-12 urte)

Urtarrilak 4, astelehena

  • 12:00 eta 13:00 Nola amaitzen da istorioa? (9-12 urte)
  • 17:00 eta 18:00 Erantzun okerrak soilik! (6-9 urte)

Urtarrilak 5, asteartea

  • 12:00 eta 13:00 Gure sagarrondoa (6-12 urte)
  • 17:00 eta 18:00 Nola amaitzen da istorioa? (9-12 urte)

Jarduera Txikitekan egingo da, Mediateka BBKren lehen solairuan. Osasun-protokoloaren arabera, saio bakoitzean parte hartzen duten haurrak bakarrik egon daitezke gela horretan, laguntzailerik gabe. Horretarako, jarduera hasi baino bost minutu lehenago jasoko dira Atarian (Eguzkiaren pantailaren azpian), eta, jarduera amaitutakoan, toki berera eramango dira.

DATAK

  • Abenduak 23, 24, 29 eta 30, eta urtarrilak 4 eta 5.
  • 12:00 eta 13:00 / 17:00 eta 18:00 (50').
  • Saio bakoitzean sei lagun sartuko dira gehienez.
  • 5 € / 3 € Az txartelarekin Sarrerak salgai AzInfon eta azkunazentroa.eus helbidean (abenduaren 14tik aurrera).
  • Jarduera: Txikiteka / Biltzeko tokia: Kulturen Ataria (Eguzkiaren pantailaren azpian).