Bilbao Arenan, 21:00etan

Bilbobusen zerbitzua indartuko du gaur Udalak Ara Malikianen kontzerturako

26.12.2019 | 13:30
Bilbobusek eskainiko duen zerbitzu bereziaren mapa.

BILBO. Ara Malikian biolin-jotzaile armeniarrak kontzertua eskainiko du gaur, osteguna, abenduak 26, gaueko 21:00etan. Ekitaldia Miribillako Bilbao Arenan ospatuko da eta horra joateko, Bilboko Udalak garraio publikoaren erabilera sustatu nahi du, beste auzien artean, trafiko-arazoak ekiditeko. Hori dela eta, Bilbobusek zerbitzu berezia izango du arratsaldean. Bilbao Basketen etxeko partidetan egiten ohi den bezala, Plaza Biribilaren ingurutik abiaraziko da zerbitzua.

Horrela, bada, gaur, osteguna, E7 lineak Plaza Biribiletik aterako da 20:00etatik 10 minutuko maiztasunarekin eta Ara Malikianen kontzertua amaitzean. Orduan, autobusak Bilbao Arenatik (Askatasuna/Parkea) abiatuko dira Plaza Biribileraino, Erriberako Merkatutik eta Areatzako zubitik igarota. Zerbitzu hori ere 10 minututik 10 minutura emango da geralekuan jendea geratzen den bitartean.

Beste alde batetik, erabiltzaileak hiriko beste alderdi batzuetara garraiatzeko zerbitzua bizkorrago emateko, 30, 71, 75 eta 76 autobus-lineek beren ibilbidea aldatuko dute kontzertuaren ondorengo minutuetan, Askatasuna/Parkean geraldi bat egingo baitute.

Bilbobus ez da garraio publikoaren aukera bakarra. Horregatik, Bilboko Udalak gogorarazten du Bilbao Arenatik 500 metroko inguruan badirela metro-, tren- edo tranbia-geralekuak, hiriko auzo guztiekin eta hurbileko herriekin konektatuta daudenak. Gainera, taxi-geraleku bat ere jarri da Askatasuna etorbideko 11 zenbakian.

Informazio gehiago eskura daiteke geralekuan, 010 informazio-telefonora deituz edo udal-webgunean: www.bilbao.eus/bilbobus.

noticias de deia