Amorebieta-Etxanoko Udalak 9 langabe kontratatuko ditu ekainean
Kontratazio hauek ekainean hasiko dira, eta sei hilabeteko iraupena izango dute
Ekainaren hasierarekin batera, Amorebieta-Etxanoko Udalak bederatzi pertsona kontratatuko ditu, zortzi peoi eta taldeburu bat, espazio publikoen eta berdeguneen mantentze lanetarako. Kontratuak sei hilabetekoak izango dira, eta uda honetan bertan hasiko dira. Kontratazio-prozesua 2026ko Enplegu Planaren barruan egingo da, udalerrian enplegua sustatzeko eta langabeen enplegagarritasuna hobetzeko helburuekin.
Baldintzak eta izena emateko prozesua
Interesdunek Lanbideren webgunean argitaratutako eskaintzen bidez eman beharko dute izena. Izena emateko epea ekainaren 8tik 14ra, zabalik egongo da.
Hautaketa-prozesu honetan parte hartu ahal izateko, hautagaiek baldintza hauek bete beharko dituzte: lanbiden enplegu-eskatzaile gisa erregistratuta egotea; gutxienez urtebetez Amorebieta-Etxanon erroldatuta egotea; taldeko arduradunaren lanpostuaren kasuan, B motako gidabaimena izatea; eta 2024ko urtarrilaren 1etik Udalak kontratatu ez izana.
Gainera, honako agiri hauek aurkeztu beharko dira: NAN edo AIZren kopia bat, EABA (DARDE) dokumentua, lan-bizitzaren txostena eta, hala badagokio, B. gidabaimenaren kopia.
Tokiko enpleguaren aldeko konpromisoa
Amorebieta-Etxanoko Udalak enplegua sustatzeko eta tokiko garapen sozioekonomikoa bultzatzeko konpromisoa berretsi du. Kontratazio horiei esker, gainera, hiri-mantentze lanak eta ingurunearen zaintza indartu ahal izango dira, udalerriko bizi-kalitatea hobetzen lagunduz.
Informazio gehiagorako, interesdunek Udal Enplegu Bulegora gerturatu (San Miguel kalea 3) edo 94 630 00 02 telefonora dei dezakete (luzapena 1402).