Berriatua San Gregorio jaietako asteburu nagusian murgilduko da

Berriatuko San Gregorio jaiak beren une gorenenera iritsiko dira asteburu honetan, maiatzaren 9an eta 10ean, herritarrak eta bisitariak bilduko dituen egitarau zabal batekin.

Gaurko egitaraua 18.00etan abiatu da Viladamateko bisitariei egingo zaien harrera instituzionalarekin, eta jarraian, 19.30ean, Sarats Dantza Taldeak bere emanaldia eskainiko du. Gaua amaitzeko, 22.30etik aurrera, Shibari, Chulería Joder! eta Añube taldeen kontzertuek jarriko diote erritmoa herriari

Larunbatean, maiatzak 9, San Gregorio eguna eta Paella Eguna ospatuko dute; goizean meza eta Erraldoien kalejira izango dira, eta eguerdian, 14.30ean, kuadrillek beren paellak aurkeztuko dituzte herri-bazkari jendetsuaren atari gisa.

Arratsaldean, playback saioek eta Skapaie elektrotxarangak giroa berotuko dute, gauerako kontzertu potoloak iritsi arte: Mirua taldea, Iratzar erromeria eta Elepunto arituko dira oholtza gainean.

Eta igandean, maiatzak 10, jaiak aurrera jarraituko du herri kirolen erakustaldiarekin eta Tapia eta Leturia trikitilari ezagunen doinuekin. Gainera, segurtasuna eta mugikortasuna bermatzeko, Gababusa zerbitzua martxan egongo da egun nagusi hauetan.

Jaiak ez dira horrela amaituko, hurrengo astean dokumental proiekzioak, BTT martxa eta zesta-punta txapelketako final handiak osatuko baitute aurtengo San Gregorioetako eskaintza dinamikoa.