Síguenos en redes sociales:

Barakaldoko Emantzipazio Eskolak ikastaro berriak eskainiko ditu

Iaz 300 ikasle inguru izan zituen eskolak, gehienak emakumeak

Deia

Bilbao | 28·04·26 | 15:44 | Actualizado a las 17:38

Barakaldoko Emantzipazio Eskolak ikastaro berriak eskainiko dituB. U.

Aurreko hiruhilabetean antolatutako ekintzak izandako arrakasta kontuan izanda, Barakaldoko Udalak martxan jarri du 16 eta 35 urte bitarteko gazteei zuzendutako Emantzipazio Eskolaren eskaintza berria.

Ekimen honen helburua gazteen autonomia erraztuko duten tresna praktikoak eskaintzea da, haien prestakuntza-, lan- eta bizi-etorkizunarekin lotutako erabakiak hartzerakoan. Hiruhileko honetan hautatutako tailerrek hainbat gai landuko dituzte, hala nola Errenta Aitorpena, oinarrizko arotzeria, sukaldea, alokairua eta etxebizitza erostea, oinarrizko brodatua... Izen-emateak zabalik daude eta Gazte Bulegoaren bidez, Whatsapp bidez (688 639 935) edo gaztebulegoa@barakaldo.eus helbidera idatziz egin daitezke.

Barakaldoko Gazte Bulegoak, Gazteen Emantzipaziorako Euskal Sarean sartuta dagoen gazteei informazioa eta laguntza emateko udal zerbitzuak, GAZ-Barakaldo emantzipazio-bulegoaren bitartez garatzen du programa hau. Udalerrian gazteen emantzipazio-politikak bultzatzeko Eusko Jaurlaritzarekin sinatutako lankidetza- hitzarmenaren barruan dago ekimen hori. GAZ Barakaldo Emantzipazio Eskola 2022an sortu zen, eta baliabide egonkor gisa finkatu da. Hiru hilez behin, gazteei laguntzen die enplegua, prestakuntza, etxebizitza eta bizimodu independentearen kudeaketa bezalako funtsezko esparruetan. "Emantzipazio Eskolak oso harrera ona du GAZ Barakaldoko erabiltzaileen artean. Iaz 300 pertsona inguruk parte hartu zuten eskolako ikastaro eta tailerretan. Gainera, gogoratu behar da beraiek aukeratzen dutela zein hitzaldi eta tailer egin nahi dituzten, eta, beraz, beroriekiko interesa bermatuta dagoela", adierazi du Jonathan Martin Barakaldoko Gazteria zinegotziak.

Iaz parte hartu zutenetatik, 195 emakumeak ziren eta 78 gizonak

Hiruhileko honetako programazioak, GazBarakaldoko erabiltzaileek aukeratua, ekonomiari, elikagaien higieneari, oinarrizko sukaldaritzari, etxeko arotzeriari, Errenta Aitorpena egiteko moduari eta abarri buruzko hitzaldiak eta tailerrak biltzen ditu.

Hau da programa osoa:

  • Ikastaroa: Elikagaien segurtasuna eta higienea. Maiatzaren 6an, 17:00etatik 20:00etara
  • Hitzaldia: Errenta aitorpena. Maiatzaren 14an, 18:30etik 20:00etara
  • Ikastaroa: Oinarrizko arotzeria etxean. Maiatzak 20 eta 27, 17:00etatik 20:00etara
  • Hitzaldia: Etxebizitzaren alokairua eta erosketa. Ekainaren 3an, 17:30etik 19:00etara
  • Ikastaroa: Oinarrizko sukaldaritza. Ekainaren 8, 15 eta 22an, 17:30etik 19:30era
  • Ikastaroa: Oinarrizko brodatua. Ekainak 13 eta 20, 10:30etatik 12:30etara 

Inskripzioak eta baldintzak

Jarduera guztiak doakoak dira, baina aldez aurretik izena eman behar da. Izena emateko bide hauek daude: aurrez aurre Gazte Bulegoan (San Juan kalea 17, Barakaldo); WhatsApp bidez 688 639 935 telefonoan edo posta elektronikoz gaztebulegoa@barakaldo.eus. "Gazteak hitzaldi eta tailer horietan izena ematera animatu nahi nituzke, oso erabilgarriak baitira egunerokotasunerako. Izena eman behar da edukiera zenbatuta izateko eta gehien interesatzen den hitzaldi edo tailerrera joateko", amaitu du Martinek.