Astelehenean irekiko du Barakaldok Aste Santuko kolonietan izena emateko epea

Aurreko edizioak izandako harrera bikaina kontuan izanda, Barakaldoko Udalak martxan jarriko du Aste Santuko hiri udalekuen edizio berri bat. Apirilaren 7tik 10era bitartean egingo dira, eta 3 eta 11 urte bitarteko haurrei bideratutako 180 plaza eskainiko dira Juan Ramón Jiménez (36), El Pilar (72) eta Arteagabeitia (72) zentroen artean.

Datorren astelehenean, otsailaren 2an, irekiko da izena emateko epea, eta otsailaren 6ra arte egongo da zabalik Barakaldoko Udalaren egoitza elektronikoaren, 010aren, gizarte etxeen eta kultur etxeen bitartez. Zozketa otsailaren 11n izango da.

Jantoki-zerbitzua aukerakoa izango da. Udalekuetan 08:15etik 09:00etara sartuko dira, eta jantokian geratzen ez direnentzat 14:00etatik 14:15era izango da irteera, eta bazkarizerbitzua erabiltzen dutenentzat 15:00etatik 15:15era. Udalekuak euskaraz izango dira.

Izen-emateak 010 telefonoaren bidez egin ahal izango dira, kultur etxeetara eta udaleko gizarte etxeetara deituz edo egoitza elektronikoaren bidez B@kQ ziurtagiri elektronikoa duten familientzat. Ziurtagiri hori doan eta Herriko Plazako HAZen aldez aurretik hitzordua eskatu gabe lor daiteke. Plazen zozketa otsailaren 18an izango da. Plazen %5a Aldundiak gutxienez %33ko desgaitasuna aitortuta duten dibertsitate funtzionala duten haurrentzat gordeko da.

Kolonian onartua izanez gero, autolikidazioa aurreinskripzioetan adierazitako helbide elektronikoetara bidaliko da, eta, beraz, mezu horri adi egoteko eskatzen da, eta ohiko postontzia eta spam postontzia begiratzea. Jaso ezean, herritarren arretarako bulegoetan, Gizarte Etxeetan eta Kultur Etxeetan eskatu ahal izango da, edo laboin@barakaldo.eus helbidean, adingabearen izena eta esleitutako kolonia adieraziz

Anai-arreben deskontua

Udalekuetan deskontuak izaten dira, jardueran seme edo alaba bat baino gehiago apuntatzen direlako, hori baitzen barakaldarrek egiten zuten eskaera nagusietako bat. Neurri hori 2020an gauzatu zen, eta seme-alaba bakoitzeko familia-dirusarreren arabera dagokiona baino tarte txikiagoa aplikatzean oinarritzen da. Gainera, udalekuen prezioa progresibitate sozialaren kontzeptuen arabera finkatuta dago, gutxien dutenek gutxiago ordain dezaten, eta ez da jantokiarekin edo gabe aldatuko errenta txikieneko tarteen artean. Bai, ordea, errenta handienetarako ezarritako prezioetan: 22,60 euro eta 40,20 euro (jantokirik gabe), 27 euro eta 49 euro (jantokia barne).