Harrera bikaina izan du I’m Bizi 2025 programak
Zelaietako frontoian egin da DBH 4. mailako ikasleei zuzendutako topaketa hau
Aurrekoetan bezala, harrera bikaina izan du asteazken eta ostegun honetan, azaroaren 26an eta 27an alegia, Zelaieta Zentroko frontoian ospatu egin den I'm Bizi topaguneak. Bertan, Durangaldeko DBH 4. mailako 503 ikasle bildu dira. Ekimen honen helburua gazteek euren burua hobeto ezagutzea da, etorkizunaz hausnartzeko eta inguruko lan- eta prestakuntza-eskaintzarekin konektatzeko aukera eskaintzen dien bitartean.
Bizkaia Gazteak 2030 estrategiaren barruan kokatzen da jarduera hau, eta Bizkaiko Foru Aldundiak eta Durangaldeko udalerriek bultzatzen dute, helburu argi batekin: gazteen enplegagarritasuna, autonomia eta parte-hartzea indartzea, ikuspegi praktiko eta errealista batetik.
Bi jardunalditan zehar, ikasleek orientazio-tailerrak, lankidetza-dinamikak, jokoak, lehiaketak, mahai-inguruak eta bestelako jarduera interaktiboak egin dituzte. Denak parte-hartzea sustatzen duten formatu bizi eta motibatzailean, euren hezkuntza-etapara egokituta.
Topaketako atal baliotsuenetako bat izan da eskualdeko enpresa eta erakundeen inplikazioa. Parte-hartzaileek zuzenean ezagutu ahal izan dituzte lan-merkatuaren erronka nagusiak, profilen eskaera eta behar diren gaitasun nagusiak. Lotura hori indartu du hezkuntzaren eta eskualdeko errealitate ekonomikoaren artean.
I’m Bizi dagoeneko erreferente bihurtu da Bizkaian gazteekin egiten den lanari dagokionez, eta etorkizunari begirako proposamen erabilgarria, dinamikoa eta eraginkorra eskaintzen du. Horrela, erakundeen, hezkuntza-zentroen eta tokiko enpresa-sarearen arteko lankidetza sustatzen da, gazteei euren ibilbide pertsonaleko une garrantzitsu batean laguntza emateko.