Urtero bezala, Durangoko udal zerbitzuek ordutegia aldatu egin dute aste honetan, udako ordutegira moldatuz. Horrela, herritarren beharrak asetu eta uda garaian arreta egokia bermatuko dute.

HAZ (Herritarrentzako Arreta Zerbitzua) uztailaren 14tik abuztuaren 31ra arte egongo da eskuragarri, astelehenetik ostegunera 08:00etatik 14:00etara, eta ostiraletan 08:00etatik 13:00etara. Interesdunek kudeaketak webgune ofizialaren bidez egin ahal izango dituzte.

Era berean, Durangoko Euskaltegia uztailan astelehenetik ostiralera, 10:00etatik 13:00etara egongo da irekita, eta abuztuan itxita egongo da. Zentroari eta bere jarduerei buruzko informazio gehiago lortzeko, kontsultatu webgunea.

Bartolome Ertzilla Musika Eskolaren ordutegia uztailan astelehenetik ostiralera, 11:30etik 15:00etara izango da, eta abuztuan itxita egongo da. Hezkuntza eskaintzari eta eskolako jarduerei buruzko informazio gehiago nahi izanez gero, bisitatu webgunea.

Durangoko Udal Liburutegiari dagokionez, uda garaian goizez egongo da zabalik. Uztailan, astelehenetik ostiralera, 09:00etatik 14:00etara, eta abuztuan ordutegia 10:00etatik 14:00etara izango da. Liburutegiko zerbitzuak eta jarduerak esteka honetan.

Durangoko Museoak uztailean ordutegi arrunta izango du eta abuztuan soilik goizez egongo da zabalik, 11:00etatik 14:00etara. Interesdunek erakusketa eta kultur jarduerez gozatu ahal izango dute eta museoaren urteko egutegia hemen kontsultatu daiteke.

Durango Kirolak-en kirol instalazioei dagokienez, bakoitzaren ordutegiak webgune ofizialean eskuragarri daude hemen. Bestalde, Landako I gunea itxita egongo da uztailean eta abuztuan. Landako II-n, uztaileko ordutegia astelehenetik ostiralera izango da, 08:00etatik 21:00etara, larunbatetan 09:00etatik 14:00etara, eta igande eta jaiegunetan itxita egongo da. Abuztuan, igerilekua itxita egongo da, baina fitness aretoa astelehenetik ostiralera irekiko da, 09:00etatik 14:00etara eta 17:00etatik 21:00etara.

Udalak herritarrei ordutegi berri hauek kontuan hartzeko gomendatzen die bisitak planifikatzean, udal zerbitzuez modu egokian eta erosoan gozatu ahal izateko.