‘Koruko Neskak’ taldearen emanaldia Ispasterren

Ekainaren 6an, 19.30etik aurrera, Ispasterko San Migel elizan “Koruko Neskak” taldearen emanaldia izango da. Itxaro Mentxaka mezzo soprano lekeitiarraren zuzendaritzapean, hamahiru abesti herrikoi, euskaldun eta popurri bat eskainiko dituzte, euskaraz gain, ingelesa eta italiera ere tartekatuz.

Duela hiru urte, Lekeitioko Itxas Soinua taldean abestu zuen zortzi lekeitiarreko talde batek musikarekiko zaletasunarekin jarraitzea erabaki zuen. Orduan jarri ziren harremanetan Mentxakarekin, berak gida zitzan. 

Orduz geroztik astelehenero biltzen dira euren pasioarekin jarraitzeko, horretarako egokitutako errepertorioekin emanaldiak eskainiz, Gabonetako kontzertuak kasu. Esan beharra dago publikoaren txalo zaparrada izan dutela beti, eta hori, zalantzarik gabe, errepikatuko dute Ispasterko kontzertuan.