Abanto Zierbenako Udalak 47.760 euro inguruko aurrekontua bideratuko du Gallartako Blasco Ibañez kalean dagoen erretiratuen etxeko irisgarritasuna hobetzeko, bertara sartzeko eskailerak erabat berrituz.
"Hobekuntza hauek bizilagunen eskaerei erantzuten die, eta, lanen bidez, Abanto Zierbena udalerri erosoagoa, eskuragarriagoa eta modernoagoa izatea bilatzen dugu. Loredoko espaloia berritzeaz, San Migelgo igogailuak jartzeaz eta Peñucas birmoldatzeaz gain, esku-hartze honek agerian uzten du gobernu-talde honek espazio publikoa etengabe hobetzeko duen konpromisoa", adierazi du Iñaki Urrutia del Cura alkateak.
Egindako lanei dagokienez, zoladura berreraiki da (eskailera-buruen eta eskaileretako harmailen zoladura, bai eta heltzeko morteroa eta mailaketak ere), eta behar izan den lekuetan hormak eta barandak estali dira. Zoladura baldosa osoekin ordeztu da, zoladura-oihal bakoitzean daudenen antzekoak, eta eskudel bikoitza jarri da eskaileraren ibilbide osoan, eskailera-buruak barne. Horiek %1,5era arteko malda jarri dute, putzurik sor ez dadin.
Aipatutako lanez gain, argiteria publikoaren sarea handitu da Txikito frontoiaren izkinan dagoen argiteriatik. Izan ere, bi kale-argi jarri dira bidea eta eskailera argiztatzeko. Ildo horretan, nabarmentzekoa da espaloiaren azpian lurpeko kanalizazio bat egin dela, frontoiaren fatxadak grapatutako aireko kableatua kentzeko.
Halaber, euri-urak biltzeko kanaleta baten eta kutxeta baten erregistroak birkokatu dira, zoladura berrira egokitzeko.
