Mungia Lagunkoia talde eragileak jasoko du 2025eko AMAtxu saria

Mungia Lagunkoia programaren talde eragilea izango da Udalak banatutako AMAtxu sariaren 23. edizioaren irabazlea. Ekitaldia Landesa plazan ospatuko da datorren igandean, maiatzaren 4an, Amaren Eguna dela eta, 13:15etik aurrera. Sari banaketa Jesús Lizasok sortutako AMAtxu jatorrizko eskultura dagoen lekuan egingo da zehazki.

Sari honek, gehienetan, modu anonimoan eta trukean ezer eskatu gabe egindako baldintzarik gabeko entrega desinteresatu baten aitorpena sinbolizatzen du. Ekitaldiko buru Alaitz Erkoreka, herriko alkatea, izango da, udalbatzako zenbait kiderekin batera, eta Udal Dantza Eskolako neska-mutilek, Mungiako Taket Bertso Eskolako bertsolari gazteek eta Santos Intxausti Musika eta Dantza Eskolako hari laukote batek parte hartuko dute.

AMAtxu Sariko XXIII. edizioa 

Aurten AMAtxu Saria “Mungia Lagunkoia” programaren talde eragileak jasoko du. "Mungia Lagunkoia" programa honen helburua da herriek beharrezko neurriak hartzea adinekoak seguru, baloratuta eta integratuta senti daitezen, beren inguruneetan bizitza osoa eta autonomoa garatu ahal izateko. "Mungia Lagunkoia"-ren talde eragileak lan hori egiten du gure udalerrian 2018tik, denbora, dedikazioa eta konpromiso-dosi handia eskainiz, udalerriaren behar nagusiak identifikatuz eta proposamenak eginez, gure udalerriko adinekoen mesedetan.

Hala, 2025eko AMAtxu Sariak 60 urtetik gorako mungiar talde hori saritu nahi du, hasieratik "lantalde" gisa funtzionatu baitu, eta ezinbestekoa baita programa ezarri, bete eta jarraitzeko. Talde eragileko kide izan direnek urte hauetan udalerriko behar nagusiak identifikatzeko eta egin beharreko ekintzak proposatzeko lan handia eta nekaezina egin dute, ordainsaririk jaso gabe, gure AMAtxuren filosofiari jarraituz.