Larrasoloeta xake taldeak 40 urte bete ditu

Denboraldi berezia biziko du Durangoko Larrosoloeta xake taldeak, aurten bere sorkuntzatik 40 urte beteko baitira. Hori dela eta, urteurrena ospatzeko egitaraua prestatzen hasi da, eta Durangoko Udalak ekimen horretan lagundu nahi izan du 12.000 euroko dirulaguntzarekin. Hitzarmena Jesica Ruiz alkateordeak eta Larrasoloeta Xake Taldeko Mikel Canibek berretsi dute.

Larrasoloeta Xake Taldea 1984an sortutako xake elkartea da. Kluba astean bitan biltzen da, astearte eta ostiraletan, Landakoko sotoetan. Gaur egun, 6 eta 15 urte bitarteko haurrei zuzendutako gazte-xake talde bat osatzen ahalegintzen dira.

40. urteurrena ospatzeko, klubak jarduera aipagarri batzuk antolatu ditu:

• Adiskidetasunaren Torneoa: Ekitaldi hau irailaren 21ean ospatuko da Landako Gunean eta 40 taldek parte hartzea espero da, Euskal Herrikoak zein Estatuko beste eskualde batzuetakoak.
• Eskolarteko Txapelketa: Azaroaren 3rako programatua Landako Gunean, txapelketa honek 700 ikasle bilduko ditu, ikasleen artean xakearekiko interesa sustatuz.
• Beste jarduera batzuk: Gabonei begira, klubeko kideek sorpresa bat prestatu dute urtemuga ospatzeko.

Durangoko Udaleko kirol sailak emandako 12.000 euroko dirulaguntzari esker, Larrasoloeta Xake Taldeak jarduera horiek gauzatu ahal izango ditu, herritarren artean xakea sustatuz.

Durangoko Udalak tokiko kirol-erakundeei laguntzeko eta durangarentzat onuragarriak izango diren jarduerak sustatzeko konpromisoa berretsi du. Larrasoloeta Xake Taldearekin elkarlanean aritzea dedikazio horren beste adibide bat da.