Rexcatering proiektuak irabazi du Berrikuntza Politikorako Europako saria

Hondakinak murriztea eta elikagaien kontsumo adimendua sustatzea helburu duen Rexcatering proiektuak The Innovation in Politics Institute erakundeak emandako 'Babes klimatikoa' saria irabazi egin du. Sari banaketa joan den ostegunean, maiatzak 11, ospatu zen Varsoviako Kultura eta Zientzia jauregian. Galan, edizio honetan aurkeztutako 337 proiektuetatik hautatutako 80 proiektu finalistak zeuden, Europako 26 herrialderen ordezkaritzarekin.

Rexcatering ekimena Alvaro Saizek eta Ainhoa Crespok bultzatutako ideia bat da, baina, azkenean, ezin izan zuen galara joan. Alvarok parte hartu ahal izan zuen, eta Loren Oliva Etxebarriko alkateak lagundu zion. Egunean zehar aukera izan zuten ideia azaltzeko eta udalerrian abian jartzeko.

Saria jasotzeko orduan, Loren Oliva alkateak eskerrak eman zizkion Ainhoa eta Alvarori, ideia hori abian jartzeko egindako ahaleginagatik eta ilusioagatik, eta aitortu zuen Etxebarriko Institutuko ikasle eta irakasleek konpromisoa hartu zutela proiektua arrakastatsua izan zedin.

Sari honek bultzada handia ematen dio Ainhoa eta Alvarok elikagaiak alferrik galtzearen aurkako borrokan egindako ahaleginari. Etxebarriren ustez, Udalak sustatzen dituen berrikuntza-politiken aintzatespena da, ekintza hori modu parte-hartzailean egindako 2019-2022 Berrikuntza Planaren barruan jasota baitzegoen.

Prozesu honetan zehar David Leal Espainiako ordezkariak emandako laguntza eskertu nahi dugu, eta onena opa nahi diegu lehiaketan finalista izan diren eta hobetzeko ideiak eta proiektuak partekatu ahal izan ditugun gainerako udal eta erakundeei: Madrilgo Udalari, Burgosko Udalari, Espinosa de los Monterosko Udalari, Valentziako Generalitateari eta Alacanteko Udalari.

Rexcatering

Rexcatering proiektu bakarra da estatuan, sukalde zentraletan eta jantoki kolektiboetan soberan dauden elikagaiak modu seguruan berreskuratzen dituena, NBEk proposatutako GJHekin bat etorriz. Berrikuntza teknologikoan osagai handia du, eta zenbait udalerritan ezarrita dago, hala nola Azpeitian, Etxebarrin, Hernanin edo Durangon. Proiektua Innosbaque – Berrikuntzaren Euskal Agentziak antolatutako Global Innovation Day 2021eko euskal berrikuntzako jardunbide egokien 6 kasu onenetako bat dela aitortu da.

Etxebarriren kasuan, Etxebarriko Institutuko ikasle eta irakasleen inplikazio handiari esker ezarri da, egunero betetzen baitute Kultur Etxean instalatutako makina jangelan sortzen diren elikagai-soberakinekin.