Haurrentzako jolasak izango dituzte Etxebarriko kanpoko igerilekuek
Etxebarriko Udalak 124.630 euroko aurrekontua bideratu egingo du kanpoko igerilekuetan haurrentzako jolasak instalatzeko, kiroldegiko eskaintza ludikoa hantditzeko. Arrizabal Elkartea izango da obrak egingo dituen enpresa.
Kanpoko igerilekuarekin batera, instalazio-gela berri bat eraiki da, eta kanpoko plisti-plasta egiteko igerilekuaren ontzia egokitu da. Horri esker, ur-aisialdiko elementu berri horiek errazago instalatu ahal izango dira.
Plisti-plasta egiteko igerilekuan txirrista eta uretako elementuak jarriko dira gazteenei begira. Igerileku handian, berriz, txirrista bat jarriko da, 1,5 metroko zabalerakoa, erabiltzaile zaharrenentzat egokia.
Kukullagako parke estaliko haur jolasen eta zoruaren eraberritzea lizitatu da
Bestalde, duela aste batzuk Kukullagako parke estalian haurrentzako jolas berriak hornitu eta instalatzeko eta segurtasun-lurzorua berritzeko lizitazioa argitaratu zen. Gainera, segurtasun-lurzorua kirol anitzeko pistaraino luzatu nahi da.
Lizitazio honen berritasun bat da estalkiaren kanpoaldean 6 urtetik gorako haurrentzako elementu bat instalatzea ere eskatzen dela.
Duela hilabete batzuk, udalerriko haur-jolasgune guztiak mantentzeko eta prest jartzeko kontratua ere esleitu zen. Baina, kasu honetan, urrats bat harago doa, eta ez da soilik mantentze-lan bat eskatzen, baizik eta Kukullagako parke estaliko elementu guztiak erabat berritu nahi dira.
Lizitazioaren prezioa 236.000 €-koa da (BEZa barne), eta eskaintzak aurkezteko epea apirilaren 21ean amaitu zenez, eskaintza bakarra aurkeztu da.