5,75 milioi euroko aurrekontua izango du Ugaok 2023an

Tokiko gobernuak zerbitzu publikoak eta ugao tarren ongizatea et a bizi kalitatea hobetzen jarraitzeko helburuekin osatu ditu 2023ko aurrekontuak. Kontuek EAJ PNVren aldeko botoak (7) eta EH Bilduren kontrako botoak (3) jaso dituzte.

“Aurrekontu ona da, energia eraginkortasunaren eta energia berr iztagarrien alde egiteaz gain, ugaotar guztien beharrak asetzearen alde egiten jarraitzen duena. Ugaon kultura, kirola, euskara eta berdintasuna bultzatzen jarraitzeko aukera emango diguten kontuak dira”, adierazi du Ekaitz Mentxaka alkateak

Alkateak azpimarratu du aurten ere aurrekontu parte hartzaile en prozesuak arrakasta handia izan duela, hogei herritarrek baino gehiagok parte hartu baitute. Ildo horretan, adierazi du 2023an egingo diren inbertsio garrantzitsuenetako batzuk ugaotarren proposamenetatik sortu direla, eta, beraz, eskertu egin du udalerria hobetzeko hartu duten konpromisoa.

Zenbakiei dagokienez, diru-sarrerei erreparatuz, Udalkutxatik datozenak 3.248.987 eurokoak izango dira, hau da, aurrekontu osoaren % 58,27. Aurreikusitako 5,57 milioi euroko sarreretatik, 4, 06 milioi (% 72,93) beste erakunde batzuetatik datoz (Eusko Jaurlaritza eta Bizkaiko Foru Aldundia), eta tokiko zerga eta tasen bidez bildutakoa diru-sarrera guztien % 27,17 da. Datu horiek Udalak diru-sarrerei dagokienez Aldundiarekiko eta Eusko Jaurlaritzarekiko duen mendekotasuna islatzen dute, eta, beraz, argi eta garbi uzten dute diru-sarrera propioak handitu beharraren garrantzia, batez ere kalitatezko zerbitzu publikoak eskaintzen jarraitu ahal izateko, baita Udalkutxaren ekarpena nabarmen jaisten den urteetan ere.

Gastuari dagokionez, azpimarratu behar da Udalak igoera handia jasan behar duela energiaren prezioaren igoeraren ondorioz. Zehazki, aurreikuspenen arabera, energia-faktura gutxienez % 55 handituko da, gutxienez 70.000 euro gehiago aurten. Gastuigoera nabarmena izan duen beste partida bat “Adingabeentzako eta familientzako arreta” izan da. 70.000 eurotan egiten du, bigarren gizarte-hezitzaile bat eta psikologo bat lanaldi erdian kontratatzeagatik, hori funtsezkotzat jotzen genuen eta.

Bestalde, aipatzekoa da langileen kapituluak aurrekontuaren % 28,42 hartzen duela. Langileentzat aurreikusitako soldata-igoera % 2,5ekoa izango da. Alkatetzako soldata da izoztuta egongo den bakarra, bederatzigarren aldiz azken 11 aurrekontuetan.

Kontuek inoizko gastu sozialaren partidarik handiena jasotzen dute

Aurten ere, 2023ko udal-kontuen ezaugarri nagusia gizarte-politikak bultzatzea da. “Berriro ere ozen eta argi esaten dugu udal korporazio honen lehentasuna ugaotar guztien behar sozialak asetzea dela” adierazi zuen Mentxakak bere hitzaldian. Alkateak azpimarratu zuen legezko baldintzak betez laguntzak eskatzen dituzten pertsona guztiek jasotzen dituztela, eta beti handitu direla horretarako gaitutako partidak, beharrezkoa izan den bakoitzean.

Ildo horretan, Udalak Zainduz programaren aldeko apustua egiten jarraitzen du, eta aurten 120.000 euro baino gehiago gehituko zaizkio 2023ko aurrekontuan sartuko den “Zaintzaileak Ugaon” programari (prestakuntza: hilabete 1 + lana 5 hilabetez 8 pertsonentzat + langilezain bat).

Aurten ere, Udalak partida bat izango du Laguntza Teknikoen Bankuarentzat, duela urte batzuk proiektu honekin bat egin zuen lehen udala izanik. Era berean, Udalak kedetektagailu berriak instalatzen eta adinekoen etxebizitzetan daudenak mantentzen jarraituko du.

Inbertsioei dagokienez, 569.900 euro bideratzea aurreikusi da (+55.000 euro 2022arekin alderatuta). Azpimarratu beharreko jardueren artean, energiaeraginkortasunaren eta energia berriztagarrien aldeko apustua nabarmentzen da. 242.000 euro inbertituko dira panel fotovoltaikoak jartzeko. Halaber, beste 40.000 euro erabiliko dira futbol zelaiko dorreetako argien ordez LED teknologiako eraginkorragoak jartzeko, eta horri 36.300 euro gehitu behar zaizkio argiteria publikoko argiak ordezteko. Halaber, kiroldegiko kantxako estalkia berritzeko erabiliko diren 193.600 euroak aipatu behar dira.

Kulturan, hazkundea garrantzitsua da. Jarduera soziokulturaletarako partida ia % 12 igo da. Ildo horretan, nabarmentzekoa da, halaber, aisialdiko ikastaroetara, Ugao Miraballesko Historia Ezagutzeko Zentrora, Gazteinfora, Gaztelekura, Mirabatxora, Ludotekara, eta abarrera bideratuko den partida % 9,3 igo dela, 2022ko 265.727 eurotik 290.440 eurora igaro baita . Aurten, kirolak ere protagonismoa izango du: Herri Krosa (6.000 euro), Kiroldegia (442.000 €) eta abar

Berdintasun arloko jardueretarako partida ere nabarmen handitu da (% 69,67), Udalak indarkeria matxistarako barne protokolo berri bat egiteko asmoa baitu. Horri 18.000 euroko partida berri bat gehitu behar zaio, Ugao Miraballesen emakumearen historia ikertzeko eta zabaltzeko beka bat emateko.

Enpleguaren arloan, aurten ere gazteen eta langabeen prestakuntzaren aldeko apustua egin da, Kultur Etxeak eta Gazteinfok antolatutako ikastaroen bidez. Alde horretatik, nabarmentzekoa da 123.000 euro bideratu direla “Zaintzaileak izeneko proiektura, hauskortasun egoeran dauden pertsonei autonomia hobetzeko eta nahi ez duten bakardade egoerei aurre egiteko laguntza programara.

Tokiko gobernuak tokiko ekonomiaren suspertzen jarraituko du, saltokien eta ostalaritzako establezimenduen beharrei erantzuten saiatuz. 15.000 euro bideratuko dira Ugaobonoaren edizio berri bat abian jartzeko, eta, aldi berean, dirulaguntza garrantzitsua emango zaio Merkatarien Elkart eari. Beste laguntza eta dirulaguntza batzuei dagokienez, aipatu behar da 273.557 euro bideratuko direla horretarako (elkarteak, kirol klubak, garapen bidean dauden herrialdeetarako transferentziak, gizarte larrialdietarako laguntzak, etxez etxeko laguntza, euskara ikasteko laguntzak, Eusko Jaurlaritzaren alokairu programa publikoetarako etxebizitzak birgaitzeko laguntzak, etab.).​