Kirol-eskaintza zabala eskainiko du Ermuak urrian

Ikasturte berriaren hasierarekin batera, urritik aurrera eskainiko duen kirol-eskaintza aurkeztu egin du Ermuko Udalak. Herritarren artean jarduera fisikoa sustatu nahian, udal-instalazioetan hainbat kirol doan probatzeko aukera emango dute urrian zehar.

Jarduera horien artean, duela gutxi eskaintzara gehitutakoak daude, zabalduago dauden beste batzuekin batera. Hori bai, jarduera guztiak eskari handikoak dira, eta begirale tituludunek eta profesionalek zuzentzen dituzte. Urriaren 1ean, 8an eta 15ean izango dira ateak zabalik, goizeko 9:00etatik arratseko ordu 1etara biatrtean. Espezialitate batzuek, hala nola indoor zikloak, aireko pilatesek, aquatonicak edo crosstrainek, aldez aurretik izena eman behar dute edo plaza erreserbatu, edukiera edo material mugatua izateagatik.

Proposamenak hainbat jarduera biltzen ditu gustu, helburu eta adin guztietarako: mantentze fisikoa, erlaxazioa, tonifikazioa, indarra, aerobikoa, formaren doikuntza, eta abar. Horien artean daude ondoko aukerak: yoga, ziklo indoorra, gorputz osoaren entrenua (TBT), aireko pilates, aquagym, entrenamendu funtzionala, stretching, aquatonic, body power, zumba edo crosstrain. Azken hau berritasuna da denboraldi berrirako eta Betiondon prestatu den areto berrian eskainiko da. Gainerakoak Miguel Ángel Blanco udal kiroldegian. Izen-emate bidez plaza erreserbatu behar da ziklo indoor, aireko pilate, aquatonic eta crosstrain saioetarako.

Egunak eta orduak kartelean zehazten dira. Informazio gehiago nahi izanez gero edo erreserbatu nahi izanez gero, kiroldegiko sarrera-kontrolera jo dezakegu, Diputazio kaleko egoitzara, San Pelaio auzoan, 943 17 90 90 telefonora deitu edo postontzi elektroniko honetara idatzi: kirolak@udalermua.net.