Basogintza-sektoreari laguntzeko 4,2 milioi bideratuko ditu Aldundiak

Era berean, laguntza hauen xedea da lurralde-garapen orekatua lortzea tokiko ekonomiei lagunduz, basogintza-sektorean enplegua sortzea eta mantentzea sustatuz, eta basogintza-sektorearen lehiakortasuna handitzea.

Helburu horiek lortzeko zenbait lehentasun ezarri dira, sektoreko ezagutzaren transferentzia eta berrikuntza barne. Ildo beretik, lehentasun horien artean daude, besteak beste, landaketen bideragarritasuna hobetzea eta baso-kudeaketa jasangarria sustatzea, biodibertsitatea leheneratzea, babestea eta hobetzea, lurzoruen higadura prebenitzea, baliabideen eraginkortasuna sustatzea eta karbono gutxiko ekonomiara igarotzea sustatzea.

Laguntzak bi ildo nagusitan banatzen dira. Lehenengoak 524.000 euro jasotzen ditu eta jabeen elkarteei, mankomunitateei, administrazio-batzarrei eta udalei zuzenduta dago, baso-pistak eraikitzeko, egokitzeko, hobetzeko eta mantentzeko proiektuak gara ditzaten.

Bigarren lerroak 3.711.000 euroko aurrekontua du, eta bi lerro bereizitan banatzen da:

• Baso-eremuak garatzeko eta basoen bideragarritasuna hobetzeko inbertsioetara zuzendutakoa. Inbertsio horien bidez besteak beste honako hauek finantzatzen dira: baso-landaketak garatzea eta baso-azaleren sorrera, hondamendi naturalek eragindako kalteen prebentzioa eta konponketa, baso-ekosistemen ingurumen-gaitasuna eta -balioa handitzeko inbertsioak, eta baso-teknologietan eta baso-produktuen eraldaketan eta mobilizazioan egindako inbertsioak.

• Bigarrena, landaketen ingurumen-balioa handitzeko kudeaketa egiteko, landaketa aloktonoen ordez baso autoktonoak jartzeko eta azken horiek kontserbatzeko

Laguntza hauek ekainaren 17ra arte eska daitezke eta horiek eskuratu ahal izateko ezinbestekoa da ustiategi guztiek, edozein tamainatakoak direla ere, baso-kudeaketa jasangarrirako plan teknikoa izatea.