Zabalik Galdakaoko jaietan joko duten taldeak aukeratzeko bozketa

Galdakaoko biztanleek herriko jaietan joko duten taldeak aukeratu ahal izango dituzte. Bozketa zabalik dago jada, eta nahi duenak maiatzaren 19ra arte izango du bere botoa emateko epea, esteka honen bitartez. Kontzertuak irailaren 9an, 10ean eta 16an izango dira, Ardanza Lehendakariaren parkean.

Prozesuaren helburu nagusia da Galdakaoko bizilagunak jaietarako musika taldeen hautaketan parte hartzea, horretarako Ardanza Lehendakariaren parkeko kontzertuetarako aurrekontu osoaren %55 galdakoztarren aukeratutako hiru kontzertu antolatzeko bideratuko da.

Hiru egunetako kontzertu horiek erabakiko dituzte herritarrek, botoa emanda (pertsona bakoitzak egun bakoitzerako talde baten aldeko botoa eman ahalko du, gehienez). Honakoak dira botoa emateko aukerak:

Irailaren 9an:

• Skakeitan
• Skabidean
• Liher

Irailaren 10ean:

• Califato ¾
• Zetak
• Los de Marras

Irailaren 16an:

• La Furia
• J Martina
• Sua

Kontzertuak aukeratzeko prozesua herritarrek egindako proposamenekin hasi zen, eta behin horiek aztertuta, hainbat irizpide kontuan hartuta (hala nola emakumeen parte-hartzea bermatzea, aurrekontuaren egokitzapena, musika-estiloa eta jarrera diskriminatzaileak sustatzen dituen musika-talderik ez egotea), egun bakoitzerako hiru talde aukeratu ziren, Jai Batzordearekin batera. Hori behin eginda, herritarren bozketa hau egingo da kontzertuak hautatzeko. Beraz, Jai Batzordearen parte hartzea handiagoa izango da, eta herritarrek egindako proposamenen artean egingo dute herritarrek aukeraketa.

Jaietako kontzertu nagusia, berriz, Galdakaoko Udalak erabakiko du Jai Batzordearekin batera.