Ostiral honetan, apirilak 8, arratsaldeko zortzi eta erdietatik aurrera, Ermua Antzokiak Paula Mattheus musikagile getxotarraren kontzertua jasoko du. Sarrerak salgai daude dagoeneko, 12 euroan, Lobiano Kulturgunean, Kutxabanken webgunean eta kutxazainen sarean. Kontzertu honekin, 'Veintitantas primaveras' izeneko bere lehenengo EPa aurkeztu egingo du Mattheusek. Beraz, ermuarrek kalitatezko musikaz gozatu ahal izango dute asteburu honetan.
Paula Mattheus Getxoko musikagile eta kantautorea duela urte eta erdi maletak egin zituen eta Madrilera joan zen RLM diskoetxeak fitxatu ondoren. Etorkizuneko asmoen artean, abokatua izatea zegoen, 'Valientes de Sofá' abestian zehazten duen bezala. Plan hori, oraingoz, atzeratu egin du. Paulak abesten du eta bere abestietan mundu guztiak identifikatuta senti ditzakeen istorioak kontatzen ditu.
Norbaitentzat kantatzea edo zuretzat abestea. Paulak oso argi dauka, abesti bakoitzean keinu pertsonala egiten dielako bere bizitzako kontuei, iraganeko erromantzeei, oraingoei eta abarri, baina azpimarratzen du maitasun are garrantzitsuagoa dugula: norberarena, ahaztu behar ez genukeen eta, batzuetan, bigarren toki bat uzten dugun hori.
Konposatzen duen abesti bakoitzarekin identifikatuta senti zaitezke. Paulak bizitzako aldaketei buruz hitz egiten du, aukera ditzakezun bide ezberdinei buruz, eta erabakian asmatu edo huts egin. Artista desberdina da, alferrikakotik urruntzen da emozio unibertsal askotarikoak transmititzeko, eta Sabina edo Rozalen dira haren erreferenteak, musikari gogokoenetako bi.
