Udalerriko historia eta turismoa sustatzeko helburuarekin, Sopelako Udalaren Turismo Sailak martxan jarriko ditu Sopela eta Berango arteko Burdin Hesiaren hondakinak ikusteko eta ezagutzeko bisita gidatuak. Hala, abuztua eta iraila bitartean, herritar zein bisitariek tokiko historia ezagutzeko aurkera ezinhobea izango dute.
Hitzordua abuztuaren 15ean eta 29an izango da, 10:00etan, Urko kiroldegiko aparkalekuan, eta handik abiatuko da gotorlekuetara. Bisita Berangoko Burdin Hesiaren Oroimenezko Museoan amaituko da. Ibilaldiaren iraupena ordu eta erdi ingurukoa izango da. Mendirako oinetakoak eta eguneko baldintza klimatikoetara egokitutako arropak eramatea gomendatzen da.
Gainera, Sopela Kosta Fest jaiarekin bat eginez, bisita gidatuak antolatuko dira Sopelako kostaldeko itsaslabar ikusgarriak ezagutzeko.
Sopelako herritarrek eta bisitariek abuztuan eta irailean bisita gidatuak izango dituzte Sopela eta Berango lotzen dituen Burdinazko Gerrikoaren hondakinetara. Sopelako Udaleko Turismo Sailak antolatuta, bisita horien helburua herrian turismoa sustatzea da, Sopelan hain ezagunak ez diren beste alderdi batzuk azpimarratuz eta memoria historikoa bultzatuz.
IZENA EMATEA
Aldez aurretik izena ematea ezinbestekoa izango da ibilbidea egin ahal izateko. Taldeek bisita bakoitzaren unean indarrean dauden osasun-neurriak bete beharko dituzte. Izena emateko, posta elektroniko bat bidali beharko da turismo@sopela.eus helbidera, izen-abizenak, harremanetarako telefonoa eta parte-hartzaileen kopurua adieraziz.
