EHUren Udako Ikastaroetan

Aldundiak 'Etika eta aniztasuna gizarte-ekintzan' ikastaroa eskainiko du

26.08.2020 | 17:29

BILBO. Urriaren 6an eta 7an, Euskal Herriko Unibertsitatearen Bizkaia Aretoak EHUren Udako Ikastaroen XXXIX. edizioa jasoko du. Bertan, Bizkaiko Foru Aldundiak 'Etika eta aniztasuna gizarte-ekintzan' ikastaroa eskainiko du. Ikastaroa unibertsitateko ikasleentzat, irakasleentzat, profesionalentzat eta publikoarentzat bideratuta dago.

Lourdes Zurbanobeaskoetxea, Bizkaiko Foru Aldundiaren Ebaluazio eta Orientazio Zerbitzuko (Mendekotasuna eta Desgaitasuna) buruaren eta koordinatzaile soziosanitarioaren zuzendaritzapean egingo da. Era berean, Bizkaiko Gizartean Esku Hartzeko Etika Batzordeko burua eta Euskal Autonomia Erkidegoko Etika Batzordeak Koordinatzeko Batzordeko kidea da.

Ikastaro honen helburua profesionalen artean eta herritarrengan, pluralismoari eta aniztasunari buruzko hausnarketa sustatzea da, bai eta pertsona guztien duintasuna aitortzean, berezko balioan eta eskubide guztien errespetuan oinarrituta sor daitezkeen gatazka etikoei buruzkoa ere. Horretarako, honako helburu hauek ezarri dira:

  • Aniztasuna aintzatesteko esparru etikoa aurkeztea.
  • Aniztasuna erabat onartzen ez denean sortzen diren desberdintasun-egoerei lotutako gatazka etikoak aztertzea.
  • Balio-aniztasuneko eta -askotarikotasuneko egoeren aurrean jardunbide profesional egokiak ezagutzea.
  • Hausnarketarako eta elkartruke profesionalerako eta sektore arteko elkartrukerako esparru bat sustatzea, non sentsibilizazio, konpromiso eta interes komunak ezagutza eta esperientzia partekatzea ahalbidetuko duten, gizarte-antolaketa proiektatu litekeen askotariko errealitateak aintzat hartuko dituen jarrera eraikitzaile baterantz aurrera egiteko.

Azken batean, gogoeta eraiki nahi da, bizikidetza sozialaren terminoak birdefinitzen hasteko, pertsona guztien berdintasuna bermatuko duen ikuspegi konstruktibo batetik.