Larrabetzuko aterpea, Osakidetzaren esku

- Koronabirusaren pandemiak ekarritako krisialdiak eragin larriak izan ditu arlo desberdinetan. Gaixotasun bat dela kontuan izanik, mediku eta erizaintza alorretako langileak zailtasun handiak izaten ari dira egoera berezi honi aurre egiteko kaltetuta dagoen pertsona zenbakia dela eta, izan ere, material eskasiak euren lanaren segurtasuna kolokan jartzen du. Honen aurrean, hainbat izan dira euren elkartasuna adierazi eta praktikan jarri duten entitate, giza-elkarte eta norbanakoak; esate baterako, Larrabetzuko Udala. Osasungintzan beharrean ari direnen joan-etorriek dakarten arriskuak ekiditeko intentzioarekin, Udalak herriko Donejakue Bideko erromesen aterpetxea Osakidetzaren esku utzi du, bertan mediku, erizain zein bestalko langileak geratu ahal izateko eta euren egunerokotasuna jorratzera ahal den neurrian laguntzeko.

Guztira, 18 pertsona jasotzeko gaitasuna dauka espazio honek, izan ere, 18 dira bertan dauden oheak. Atsedenaldirako lehengaiak izateaz gain, beste zerbitzu batzuk ere eskaintzin ditu Larrabetzuko aterpetxeak; esate baterako, dutxak, komunak, mikouhin labea, hozkailua eta arropa garbigailua. Oso erabilgarria izan daiteke espazio hau garai honetan, izan ere, eraikin berean dago herriko anbulateia eta posta zerbitzua. Horrenbestez, Txorierrin kokatutako herrian atsedena hartu nahi duten mediku, sendagile edo erizainek badaukate euren aterpetxea Larrabeztuko erromesen lokalean.