Uztailaren 1ean jarriko da martxan TAO zerbitzua Olabeagan
Olabeaga auzoak TAO gune berri bat izango du uztailaren 1etik aurrera. Bertan, koadrante horretan bizi diren pertsonek beren TAO gune arautua izango duten aparkatu ahal izateko.
TAO gune horretan sektore Berdea eta Berdea-L egongo dira, eta bertan bizi direnek egoiliarren txartela eska dezakete. Horrela, denbora-mugarik gabe aparkatu ahalko dute sektore horietan.
Bereizgarria eskatzeko, bide hauek erabil daitezke: Udalaren webgunea, Lersundi kalean kokatutako Herritarren Arretako Bulegoa eta telefonoa (94 470 10 47 eta 647 30 18 75). Arreta-ordutegia astelehenetik ostiralera 08:30etik 20:00etara izango da, eta larunbatetan, aldiz, 8:30etik 14:00etara.
Olabeagako TAO esparru berriak B urteko tarifa izango du. 2024ko ekitaldi honetan. Tarifa hori 48 eurokoa izango da urtean edo, egoki bada, hiruhileko naturalen arabera hainbanatuta.
Honako hauek dira txartela eskatzeko betekizunak, besteak beste:
- Egoiliarrak Bilbon erroldatuta egon beharko du, txartela zein helbidetarako eskatzen den, helbide horrekin.
- Bizilekuak eta erroldatzeak bat etorri behar dute IFZan edo AIZan ageri denarekin, indarrean den gidatzeko baimenean ageri denarekin eta ibilgailuaren zirkulazio-baimenean ageri denarekin.
- Ibilgailuak turismoa edo antzekoa izan beharko du, eta ezin du zorrik eduki Bilbon dagozkion ordainketetan.
- TAO txartela daukan ibilgailua ezin da egon egoiliarren udal-aparkaleku bati atxikita.
- Txartel bakarra emango da egoiliar bakoitzeko, eta bizileku bakoitzeko 2, gehienez ere.
Esparruko TAOaren ordutegia bizileku-eremuari dagokiona izango da: astelehenetik barikura, 9:00etatik 13:30era eta 15:00etatik 19:00etara. Zapatuetan ez da TAOrik egongo, eta abuztuan goizez bakarrik funtzionatuko du.