Bilbo Zaharrak kultur-giro bikaina izango du bihartik, apirilak 20, hilaren 29ra bitartean. Egun horietan zehar, Bilboko Udalak antolatutako eta bertako hainbat gunetan sorkuntza artistikoko formatu berriak erakusteko helburua duen BLV-ART jaialdia ospatuko da.
Auzoa, aurten ere, kulturaren epizentro eta proposamen eszeniko berritzaileez gozatzeko prest dauden pertsona guztien topagune bihurtuko da.
BLV - ART 2007an sortu zen, “Bilbao Zaharra, Kulturarako zubia” Udalaren kultura-estrategiaren barruan kultura-programa aitzindaria izan zela, auzoaren inguruko kultura-jardueren programa zabal bat abian jartzeko helburuarekin.
Edizio berri honetan, publikoak arte bizietako, antzerki fisikoko, antzerki absurduko, antzerki parte-hartzaileko, dantzako eta instalazio artistikoetako proposamenez gozatu ahal izango du.
Gune hauetan ikusi ahal izango dira: San Frantziskoko Udategia, Bilborock Aretoa, Berreginen Museoa, Hibernando Estudio, Okela Sormen Laborategia eta Bilbi Hotela.
BLV-ARTek 12 proposamen partekatuko ditu, gehienak lehen aldiz Bilbon ikusi ahal izango dira eta abangoardiako adierazpen artistikoekin lotuta daude. Aipatzekoak dira, besteak beste:
- Kafuné Kolektiboaren erabateko estrenaldia, “Nire irudia zure haragian” (larunbata 29, 19:00etan, Berreginen Museoan)
- Almudena Perezen “Ultraviolet” izeneko pieza laburraren estreinaldia "larunbata 22, 19: 00etan Berreginen Museoan)
- “ELLAS: las guardianas de la Ría”, Ainhoa Resanoren proiektua, itsasadarraren inguruan ikusi ahal dena, Martzana kaiaren parean.
