Bilbobus zerbitzu berezia izango da asteazkenean Bilbao Basket partidarako

BILBO. Bilboko Udalak jakinarazi duenez, partida amaitutakoan, Bilbao Arenako geralekutik (Askatasuna/Gortazar) Hurtado Ametzaga 1 geralekura joango dira autobusak, hamar minututan behin eta geralekuan jendea geratzen den bitartean. Zerbitzua arintzeko, autobusek geldialdi bakarra egingo dute pabiloira heldu baino lehen Hurtado Ametzaga 50 geralekuan joanekoan eta Hurtado Ametzaga 15ean etorrian.

Azkenik, Bilboko Udalak gogoratu du Bilbao Arenatik 500 metroko ingurunean metro, tren edo tranbiako geralekuak daudela, Bilboko auzoetara nahiz inguruko udalerrietara lotura zuzenak dituztenak. Gainera, partida dagoen egunetan taxi geraleku berezia jartzen da Askatasuna Etorbideko 11n.