César Pellik Bia saria jasoko du, Bizkaiko arkitektoek ematen duten sari gorena

BILBO .Azken hamarkada hauetan Bilboko “waterfront”ak izan duen eraldaketan, César Pellik egindako ekarpen garrantzitsuaren aintzatespena da sari hau. Epaimahaiaren ebazpenaren esanetan, argentinarrak Abandoibarrako Masterplanean egindako lana, “hiriaren birsorkuntza lortzeko egin diren akzio desberdinen artean, pieza garrantzitsu bat da” eta “hiritarren erabilerarako espazio bat izan da emaitza, beste hirigune batzuetan egin beharreko ekintzetan erreferentzia bezala hartuz”.

César Pelliren obra arkitektonikoa (Tucumán, 1926), bere eraikuntza lerroen dotoretasun eta neurritasunagatik nabarmentzen da, eta, baita ere, zenbait material nahasteko eragatik, beira, harria eta metala, hain zuzen ere. 80 proiektu baino gehiagok adierazten dute bere arkitektura (horietako batzuk Petrona Dorreak bezalako paregabetasunarekin, Kuala Lumpur, Malasia), nahiz eta berak beti saihestu dituen aurre-ikuskera formalistak bere diseinuetan.

Argentinarra, “Pelli Clarke Pelli Arquitectos”eko sozio fundatzaileetako bat dugu, altuera handiko eraikuntzen garapenean mundu mailan oso errespetatua den arkitektura bulegoa. New Haven-en (Connecticut, EE BB) egoitza duen izen handiko despatxu honek, nazioarte mailako sari garrantzitsuenak irabazi ditu; horien artean, César Pellik “American Institute of Architects”ek ematen duen urrezko domina irabazi du bere ibilbide profesionalagatik.BIA saria, hurrengo uztailak 15ean emango zaio César Pelliri Iberdrola Dorrean ospatuko den galazko afari batean. Bertan, Juan Mari Aburto, Bilboko alkatea izango dugu gurekin. Ekitaldi honekin, “BIA Urban Regeneration Forum”aren bigarren edizioa dela eta, uztailaren lehenengo hamabostaldirako hiri honetan antolatu den ekintzen programari amaiera emango diogu. BIA 2016a, Euskal Herriko Elkargo Ofizialak (EHAEO) Bizkaian duen Delegazioaren eta Bilboko Udalaren ekimena da, Bizkaiko Foru Aldundiaren, Eusko jaurlaritzaren eta Tecuniren laguntzarekin, beste batzuen artean.