Errekaldek Umorezko Antzerki Erakustaldia jasoko du martxoko ostiraletan

Horrez gain, programak ZinebiKlub saio bat ere jasoko du, Zinebiren - Bilboko Zine Dokumental eta Laburmetraia Nazioarteko Zinemaldiaren azken edizioan parte hartu zuten umorezko film laburren aukeraketarekin, martxoaren 23an.

Programazioa ostiral honetan zabalduko da, Carlos Martínezen “Hecho a mano” ikuskizunarekin. Mimo antzezle horrek antzerkian egin duen ibilbide luzeko lan enblematikoenen aukeraketa izango da. Lanak, mimoaren teknika unibertsala erabiliz antzeztuko dira. Lan horiek bidaide leial eta irudipeneko itzultzaile ditu eta, eszenatoki gainean jartzean, bere ordez “mintzatzen” dira. "Hecho a mano" lanak, ikusleek Portugaleko Almadako XXI. Antzerki Jaialdiko ikuskizun hoberenari emandako ohorezko saria irabazi zuen.

Bigarren saioa, martxoaren 13koa, Luismi madrildarraren eta “Colado cabe” ikuskizunaren eskutik helduko zaigu. Luismi “El Club de la Comedia" programa historikoan aritutako bakarlaria da, eta "Paramount Comedy“ webguneko erabiltzaileek 2007ko komiko hoberena aukeratu zuten. Mila aurpegien eta mila soinuen gizona da.

Hurrengo hitzorduan, martxoaren 20an, 7 grados konpainia bilbotarra helduko da Errekaldeko eszenatokira, “Trastornos literarios” lanarekin. Antzerkiko mikro-kontakizunak, bakarrizketak, elkarrizketak, testu koralak dira, eta horien bitartez, gizaki hauskor batzuk, sei friki zoro, adierazi nahi dutena ulertarazten saiatuko dira, erridikulutik gertu, beti ere. Asmo horretatik drama eta komedia sortuko dira. Hau da, sei pailazo gaixo dira, labirintoan jolasten, laborategiko sagu izango balira bezala.

Umorezko Antzerki Erakustaldia martxoaren 27an amaituko da, Txintxeta Produkzioak taldearen “Potologuak” euskarazko lanarekin. Bodologuak” lanarekin lortutako arrakastaren ondoren, bakarrizketez, elkarrizketez eta bestelako ezustekoz osatutako antzezlan horrek zorroztasunez aztertzen ditu euskal gizartean pil-pilean dauden egungo gaiak, erabilerak eta ohiturak, familia, tabernak edo ospitaleak, besteak beste.

Umorezko Antzerki Erakustaldiaren edizio honek ZinebiKlub saio bat ere jasoko du, Zinebiren - Bilboko Zine Dokumental eta Laburmetraia Nazioarteko Zinemaldiaren azken edizioan aurkeztutako umorezko film laburren aukeraketarekin. Emanaldia Errekaldeko udaltegian izango da, martxoaren 23an, eta Bilboko Zinemaldiaren azken edizioan Euskal Film Labur Hoberenaren epaimahaiaren sari nagusia jaso zuen Aitor Gutiérrezen “Anómalo” bezalako film laburrak ikusi ahal izango dira.

EGITARAUA

MARTXOAK 6

CARLOS MARTÍNEZ

'Hecho a mano'

MARTXOAK 13

LUISMI

'Colocado cabe'

MARTXOAK 20

7 GRADOS

'Trastornos literarios'

MARTXOAK 27

TXINTXETA PRODUKZIOAK

'Potologuak'

MARTXOAK 23 MARZO

ZINEBIKLUB ? Umorezko film laburren erakusketa

- Pase privado NATXO LÓPEZ Espainia (15’00’’)

- Don Miguel KOTE CAMACHO Euskal Herria (15’30’’)

- Bikini ÓSCAR BERNÀCER Espainia (18’00’’)

- Anómalo AITOR GUTIÉRREZ Euskal Herria (15’30’’)

- Becas Azkuna ¿Y si no fuera de campo? ARACELI SÁNCHEZ Euskal Herria (02’00’’)

- Jamón y piña ROCÍO PIN-ART, KIKO LASTRA Espainia (09’30’’)