Atxilotu bat Irunen emakume bati sexualki eraso egiten ahalegintzeagatik

Atzo goizaldeko lauak aldera, emakume bat Irungo Ertzain-etxera agertu zen ezagun baten aurkako salaketa jartzera sexualki eraso egiten ahalegintzeagatik. Biktimak salatutakoaren arabera, ordu bi eta erdiak aldera, lagun batekin eta bi gizonezkorekin horietako baten Irungo etxera joan zen. Etxeko gela batean azken horrekin bakarrik geratu zenean, gizonezkoak ateko sarraila itxi zuen, eta indarrez helduta ohe gainera bota eta sexu-ukituak egin zizkion. Emakumeak erasotzaileari ihes egitea eta gelatik irtetea lortu zen, eta etxetik alde egin zuen.

Emakumea ertzain-etxetik eskualdeko ospitalera eraman zuten.

Agenteek polizia-ikerketa jarri zuten abian ustezko erasotzailea identifikatu eta aurkitu ahal izateko, eta goizeko hamarrak aldera Irunen bertan atxilotu zuten.

Gaur, astelehena polizia-eginbideak amaitu ondoren, epaitegira eraman dute polizia-aurrekariak dituen gaztea.

BESTE ATXILOTU BAT AZKOITIAN

Bestalde, goizeko hamabi eta erdiak aldera, Ertzaintzara deitu zuten Azkoitiako Anaitasuna plazan gizonezko bat zaurituta zegoela esanez. Adierazitako lekura hurbildu diren herritarren babeserako patruilek egiaztatu zuten gizonezko bat odola dariola zegoela hanka batean, izterrean, zuen zauri batetik. Biktimak jakinarazi zien lankide ohi batek zauritu zuela, zor zion dirua emateko bertan elkartu zirenean. Biktimak agenteei esan zienez, erasotzaileak bat-batean labana atera eta hanka batean sartu zion, eta oihuka laguntza eskatzen ari zen bitartean erasotzaileak korrika alde egin zuen. Anbulantzia bateko osasun-langileek eman zioten lehen laguntza biktimari, eta, ondoren, Donostia Ospitalera eraman zuten.

Polizia-dotazioak, ustezko erasotzailearen identitatea jakin ondoren, bere bila hasi ziren, eta ordu bata eta laurden aldera aurkitu zuten herrian bertan. Gazteak aitortu zuen biktimari eraso egin ziola labana batekin, eta labana etxean utzi zuela. Horren aurrean, lesio-delitu bat leporatuta atxilotu zuten.