Munta handiko hamar esku-hartzetik gora ari dira koordinatzen Gasteizen

“Intentsitaterik gorenean dira lanak, hiriaren eraldaketarako momentu garrantzitsuan. Kale eta plazak hobetuko dituzte obrek, mugikortasuna, erosotasuna… Horien guztien bitartez, oinezkoen eta bizikleten joan-etorriak hobetu nahi ditugu, irisgarritasuna eta mugikortasun iraunkorra erraztu, espazioak birnaturalizatu eta berdegune gehiago sortu”, azaldu du Gasteizko alkate Gorka Urtaranek.

Hauek dira gaur egun gauzatzen ari diren esku-hartze nagusiak:

- Iturritxu kaleko aparkalekua (326.051,68 euro),

- Memoriaren plaza sortzea (1.658.236,04 euro),

- Santa Barbara plazako zamalanetarako nasa (Udalaren inbertsioa, 1.100.081,79 euro),

- Gasteizko Salbatzailearen hilerriko saneamenduaren eta euri-uren sarea berritzea (1.051.198,24 euro),

- BEIren karga-unitate funtzionala - kotxetegiak (4.373.983,44 euro; Eusko Jaurlaritzaren % 65eko finantzaketa, eta aldundiaren % 17,5ekoa),

- Lakua-Arriagako parkinga (693.381,79 euro, inguru osoko oinezkoen iragazkortasuna hobetzea barne),

- Aldaiako kiroldegiko pistak (313.923,98 euro, Gasteiz Hobetuz proiektutik),

- Malizhaeza kalea eraberritzea (257.593,73 euro, Gasteiz Hobetuz proiektutik),

- Borinbizkarreko hiri-baratzeak (192.861,95 euro, Gasteiz Hobetuz proiektutik),

- Haurren Auzoa proiektua, Etxauri plaza eraberritzeko (538.527,94 euro, Gasteiz Hobetuz proiektutik),

- Mendizabaleko aparkalekua eraberritzea (999.800 euro, pintatze-lanak falta direlarik).

Horiez gain, bestelako lanik ere egiten ari da Mugikortasunaren eta Espazio Publikoaren Saila auzoetan, hala nola asfaltatze-lanak eta argiteria publikoaren hobekuntzak, eta aurki ekingo dio Ilustrazioaren hiribidea eraberritzeari (super-etxadia).

Eusko Jaurlaritzarekin eta Aldundiarekin lankidetzan, tranbia Salburua auzora luzatzeko obrak ere egiten ari dira, zeinek eragin handia izango baitute espazio publikoan, eta Gasteizko zona hori erdigunearekin lotuko.