Euskotreneko Burdinbidearen Euskal Museoak asteburuan lau lurrun tren jarriko ditu martxan

Abuztua heldu da eta Euskotrenen Burdinbidearen Euskal Museoak diesel trakziozko tren historikoen ohiko ibilbideak berreskuratuko ditu. Abuztuaren 3tik aurrera, asteartetik ostiralera (lanegunak) egunean irteera bi eskainiko dira —12:30ean eta 17:30ean—, Azpeitiko Burdinbidearen Euskal Museotik Lasaoko geltokiraino.

Lurrun-trenak egin ohi duen ibilbide berbera da, baina hori asteburuetan bakarrik egoten da martxan. Zehatz-mehatz, hau da datorren larunbat eta iganderako ordutegia:

— Larunbatean, uztailaren 31n (jaieguna Gipuzkoan): 11:30ean eta 12:30ean.

— Igandean, abuztuaren 1ean: 11:30ean eta 12:30ean.

Halaber, Burdinbidearen Euskal Museoak trenen zirkulazioaren eskaintza areagotu du, une oro Covid-19aren transmisioa ekiditeko indarrean dauden osasun-protokoloak betez.

Museoko instalazioen irekiera-ordutegia hau da udan:

— Asteartetik larunbatera: 10:30etik 14:00etara eta 16:00etatik 19:30era.

— Igande eta jaiegunetan (astelehenak izan ezik): 10:30etik 14:00etara.

Gogoan izan behar da uztailaren 31, larunbata, Gipuzkoan jaieguna dela; beraz, goizeko ordutegian bakarrik irekiko da.

Burdinbidearen Euskal Museoak bere instalazioetan Europako trenbide bildumarik hoberenak ditu ikusgai, mota guztietako ibilgailuekin: lurrun, diesel eta elektrizitate bidez tren-makinak; automotoreak eta bagoi mota desberdinak.

Horrez gain, Euskadiko makina-erreminta multzo osoenetakoa eskaintzen du, Urolako Trenbidearen tailer mekanikoa izandakoaren bitartez, eta XIX. mendearen amaieratik trenetan erabilitako uniformeen erakusketa bikaina eta mundu osoko tren-arloko erloju-bilduma hoberenetakoa ere badauzka ikusgai.

Apirilaren 1etik, Burdinbidearen Euskal Museoan ikusgai dago trakzio mekanikoko lehen ibilgailuaren 125. urteurreneko argazki-erakusketa, Euskotren Sozietate Publikoak antolatuta. Erakusketa hori euskal trenbide-sektorearen une garrantzitsu horren berri emateko dibulgazio-ekintzen artean sartzen da. Lehen ibilgailu hura Bilbotik Santurtzirako tranbian izan zen, eta Espainiako lehenengoa izan zen trakzio elektrikoa erabiltzen.

Bisitariak eta langileak zaintzeko neurriak, Covid-19aren testuinguruan

Azpeitiko Burdinbidearen Euskal Museoko bisitarien eta langileen segurtasuna bermatzeko helburuarekin, eta Covid-19ak eragindako egoeraren aurrean beharrezkoa den urruntze fisikoari eusteko, honako neurri aktibo eta pasibo hauek ezarri dira:

— Babes-manparak harreran.

— Hidrogel desinfektatzailearen banagailuak.

— Ibilbide erabat zirkularra izango duen zirkuitu bat sortzea, Museoko bisitariek atzera egitea eta aurretik daudenekin gurutzatu behar izatea saihesteko. Horretarako, geziak markatu dira zoruan, jarraitu beharreko bidea adierazteko.

— Edukiera murriztuko erakusketa-aretoak ixtea, distantzia sozial egokia bermatu ezin denean: tren-uniformeen eta -kronometriaren bildumak.

— Instalazioen garbiketa indartzea, Museoko bisitariek eta langileek manipulatu ditzaketen elementuetan arreta berezia jarriz.

— Beste edozein esparru publikotan bezala, nahitaez erabili behar dira maskarak Museoko instalazioetara sartzeko.