UPV/EHUko irakaslea

Marta Macho, 'Avanzadoras' sarien finalista

03.03.2021 | 16:47
Marta Macho, Euskal Herriko Unibertsitateko Zientzia eta Tekonologia Fakultateko Matematika saileko irakaslea.

BILBO. Mundu justuago eta berdinzaleago bat eraikitzen ari diren emakumeak ikusaraztea helburu duten 'Avanzadoras' sarien finalista izango da Euskal Herriko Unibertsitateko Zientzia eta Tekonologia Fakultateko Matematika saileko irakasle den Marta Macho.

'Mujeres con Ciencia' blogari esker lortu du hori, argitalpenak ia zazpi urteak baitaramatza (datorren maiatzaren 8an izango da urteurrena) zientzian eta teknologian aritu diren emakumeen jarduera erakusten. Horrela, nesken eta gazteen STEM (zientzia, teknologia, ingeniaritza eta matematikaren akronimoa) bokazioak bultzatu ditu. Irakaslearen aburuz, "oso garrantzitsua da erreferenteak erakustea emakumea askotan mespretxatuta egon den eremu batean". Web argitalpen hau UPV/EHUko Kultura Zientifikoko Katedraren blogetako bat da.

Irakasleak Mafalda Soto irabazlearekin (Farmazian lizentziatua, Medikuntza Tropikalean aditua eta albinismoa duten pertsonen hezkuntza sustatzen duena Afrikan) partekatzen du ohorea. Ana Freire beste finalista bat da, Informatikan doktorea eta 'Stop' proiektuaren bultzatzailea: ekimen hau adimen artifiziala aplikatzen du sare sozialetan suizidio-ideiarekin, depresioarekin edo elikadura-jokabidearen nahasmenduekin lotutako patroiak aurkitzeko).

Sariak, Intermón Oxfamek eta '20minutos' egunkariak antolatuak, banatuko dira ostiralean, martxoaren 5ean, 12:00etan, publikoari irekitako ekitaldi birtual batean. Mahai-inguru bat izango da, eta bertan hartuko dute parte sarien epaimahaikideek (Laura Espido Freire euskal idazleak, besteak beste) eta aurtengo hiru emakume 'Aurreratzaileek'.

noticias de deia