3D irudiekin

Udaletxeko bisita gidatu birtualak aurkeztu ditu Donostiak

14.08.2020 | 19:37

DONOSTIA. Teknologia aurrera doa, eta horrek aurrerapen garrantzitsuak dakarzkio gizarteari. Batzuk ez dira oso erabilgarria, baina beste batzuei, aldiz, probetxua atera ahal zaizkie. Donostiako Udalaren kasua da, zeinak Hiruditek enpresa donostiarrak garatutako 3D teknologiari esker udaletxea modu birtualean bisitatzea ahalbidetuko du. Udalaren web orriaren bidez, erabiltzaileek eraikinera sartu eta interaktiboki eta intuizioz bisitatu ahal izango dute, edozein unetan eta edozein gailutatik, gaur goizean aurkeztu duten tresna berriarekin.

Jon Insausti Kultura zinegotziak adierazi duenez, aplikazio honek aukera ematen die "bai donostiarrei bai munduko edozein tokitako beste edonori, ahalik eta erosoen ezagutzeko gure hiriko eraikin enblematiko eta historiaz beteriko bat".

BISITA SOIL BAT BAINO GEHIAGO

Tresna honekin, Udala modu birtualean bisitatzen duen pertsonak esperientzia ahaztezina jasotzea baino zerbait gehiago lortu nahi da. Eraikina barrutik ikusteaz gain, horri buruzko hainbat informazio ere kontsulta dezakete. Izan ere, plataformak datu aipagarriagoak eskaintzen ditu, kasino bezala sortu zenetik gaurdaino.

Donostiako eraikin enblematikoa herritarrei hurbiltzea helburu duen esperientziari esker, hainbat leku bisita daitezke. Gainera, modu guztiz eskuragarrian eta teknologia berriak baliatuz egiten da. Tour birtual honetan honako areto hauek bisitatu ahal izango dira: Udalbatza Aretoa, Harrera Gela eta Alderdiederreko balkoia, batik bat.

Hiruditek enpresak garatutako tresnaren bidez egin daiteke 3D bisita birtual hori. Borja Iriarte arduradun teknikoak azpimarratu duenez, "Teknologia honek aukera ematen du erabiltzaileak espazioari ikuspegi erabat naturala emateko, benetan den bezala, eta bere espazioak, erosotasunak eta ezaugarriak erabat esperimentatu ahal izango ditu, tokian bertan benetako presentzia sentituz".