Itunpeko ikastetxeak berriro doaz mobilizaziora

- ELA, Steilas eta CCOO sindikatuek mobilizazioei berriro ekingo dietela iragarri dute, itunpeko euskal ikastetxeetan patronalak “asmo txarrez” jokatu duela uste baitute. Hartara, iazko azaroan lan-gatazka luze bati amaiera eman zion akordioaren sina-tzaileek lehen manifestazioak egingo dituzte ekainaren 17 eta 18rako, Donostiako Kristau Eskolaren egoitzaren aurrean eta Bilboko Hezkuntza Saileko departamentuaren aurrean. Halaber, adostutako birkoka-tze prozeduran dauden oztopoak konpontzen ez badira, bide juridikora jotzeko aukera dagoela oharatarazi dute.

Kristau Eskola eta Aize-Izea patronalei hitzartutakoa betetzeko eskaera egiteaz gainera, sindikatuek Eusko Jaurlaritzako Hezkuntza Sailari pasibotasuna eta geldotuasuna egotzi diote, eta, adostutakoa betetzeko eskura dituzten mekanismo guztiak martxan jartzea duen garrantzia gogorarazi dute. Bestela, ELAk, Steilasek eta CCOOk aipatu dutenez, “mobilizazioak eta ekintza juridikoak indartzea izango da alternatiba bakarra”.

Lan-gatazka luze eta mobilizazio askoren ostean, sektoreko gehiengo sindikalak eta patronalak “akordio aproposa” zirudiena sinatu zuten, Hezkuntza Sailarekin langileak birkokatzeko hitzarmenarekin batera. Gauzak horrela, greba amaitzeko akordioaren edukietako asko ikastetxeetan dagoeneko aplika-tzen ari direla anitzatetsi dute sindikatuek, baina patronalak prozesua “oztopatzen eta atzeratzen” aritu dela salatu dute modu berean: “Azken oztopoa izan da patronalak ez duela akordioan irizpide berriak sartzeko intentziorik”.

Azkenik, bestelako asmoak dauzka patronalak sindikatuen aburuz. “Gobernuaren finantziazioa jaso nahi du erretiro partzialen kostua ordaintzeko, baina lanpostua galtzen duten sektoreko langileak irizpide objektiboen bidez birkokatzeko konpromisorik hartu gabe, kontratazio politika diskrezionalari eutsiz”, itxi dute.