Ekoizleei produktuak eskaintzeko aukera bermatzen jarraitzeko neurriak abiarazi ditu Tolosak
TOLOSA. Koronabirusak eragindako krisialdiak sektore guztiei eragin die zuzen-zuzenean. Horregatik, Tolosako Udalak hainbat neurri hartu ditu, kalteak ahalik eta gehien gutxitzearren. Horietako bat, ekoizleen produktuak eskaintzeko aukera bermatzen jarraitzeko bi egitasmoa martxan jartzea izan da.
BIAK ALA BIAK, ARRAKASTAREKIN
Batetik, etxez etxeko “Azoka, zure etxera” banaketa zerbitzua abiarazi zen, 9 ekoizleren parte hartzearekin. Egun 10 dira atxiki direnak, eta batzeko aukera izango dute gainerakoek ere. Eskariak telefonoz, WhatsApp-ez, emailez edo bestelako tresna digitalak eginez egiten dira, eta etxera banatzen dituzte produktuak, ekoizle bakoitzak zehaztutako egunen arabera.
Bestetik, herriko elikadura dendetan ekoizleen produktuak eskaintzeko aukera zabaldu zen, Tolosa&Co Merkatarien Elkartearen laguntzarekin. Egitasmora batu ez diren dendek oraindik ere aukera dute. Horretarako mezu bat bidali behar da merkataritza@tolosa.eus helbidera.
Herritar askoren babesa jaso dute bi egitasmoek, batik bat, etxez etxeko banaketak. Oso ongi ari da funtzionatzen, eta ekoizleek jaso duten bultzada hori eskertu nahi izan dute, lerro hauen bidez.
AURRERA BEGIRA LANEAN
Bestalde, alarma egoera amaitzen denerako segurtasun neurri berriak zehazteko lanketarekin hasia da udala, Osasun Sailaren eta udaleko prebentzio teknikariaren ikuskaritzaren pean. Izan ere, alarma-egoera amaitu ondoren, zenbait arau bete beharko dira, Osasun Sailak normaltasunera itzultzeko esan arte. Hala nola, postuen arteko distantziak eta pasabideetako tarteak berraztertu beharko dira.
Bien bitartean, etxez etxeko zerbitzua erabiltzea edo herriko komertzioetan erosteko dei egin du udalak.
Temas
Más en Sociedad
-
Se suspenden las restricciones para la circulación de camiones en Euskadi este jueves
-
Osakidetza registra 1.226 enfermedades raras diferentes que afectan a 11.770 personas
-
La madre de Gabriel carga contra quienes hacen negocio con el asesinato de su hijo: "No queremos ni documentales ni series"
-
Encuentran muerto a un preso en la cárcel de Basauri sin signos de violencia