Ikaslea protagonista nagusia da Andramari Zornotzako Ikastolan. Amorebieta-Etxanoko ikastetxearen helburua ikasleen garapen integrala lantzea eta lortzea da. Urtero bezala, 2021/2022 ikasturterako aurrematrikulazio epea zabaldu du Amorebieta-Etxanoko Andramari ikastolak. Hezkuntza eskaintzaren berri emateko, ikastolak ateak zabaltzeko eguna antolatu du larunbatean. Astelehenetik aurrera, 18tik aurrera hasiko da prematrikulazioa, eta familiek hilaren 29ra arte eman ahal izango dute izena.
Ikaslea protagonista nagusitzat hartuta, Andramari ikastolak bere jatorritik lortu nahi duen ideala bere ongizatea da. Ikaslearen garapen osoa, integrala eta orekatua (kognitiboa eta emozionala) landu eta lortzeko helburuarekin ireki zituen ateak eta lan horretan jarraitzen du ordutik. Familiek eta zentroko langileek, batez ere hezitzaileek, funtsezko laguntza-lana egiten dute 0 eta 18 urte bitarteko haur eta nerabeen garapen pertsonalerako ibilbidean.
Beste arlo askotan bezala, aurrematrikulazio prozesua, covid-19ak eragindako ondorioek markatzen dute. Martxoaz geroztik, hezkuntza sisteman eragin handia izan du, baina Andramari ikastolatik egoera zail honi egokitzen jakin dute. Hala egin dute, batetik, ikasleak ikasgeletara bueltatu ondoren, hauen segurtasuna bermatzeko espazioei eta baliabideei dagokienez. Baina baita, nola ez, gai emozionalak lantzen dituzten programa zehatzak eta tailerrak ezartzen ere. Kuku! Emozio Programa adibide horietako bat da.
Zalantzarik gabe, koronabirusaren pandemiak eragina izan du gaur egungo hezkuntzan. Hala ere, azken hilabeteetan, ikastetxeak euskararen ikaskuntzaren kalitatea hobetzeko lanean jarraitu du. Gauza bera egin du ikasleen gaitasun digitalei dagokienez. Horretarako, adibidez, Lehen Hezkuntzako 4. mailatik aurrerako ikasleek ordenagailuak dituzte.
Andramari Zornotzako Ikastolak aplikatzen duen hezkuntza-ereduari dagokionez, gaur egun hobekuntza pedagogiko jasangarrian murgilduta dago, 0-6 urte arteko HAZIA proiektua ahaztu gabe, Haur Hezkuntzarako esparru pedagogiko berria eta propioa sortzea helburu duena, Euskal Herriko Ikastolen Elkatearekin batera. Proiektu honek "haurraren erritmo biologiko eta kognitiboak eta emozionalak errespetatu eta kontuan hartzen ditu. Horregatik, gure betebeharra da haurrei laguntzea beren trebetasunak eta portaerak identifikatzen eta modu positiboan garatzen, beren buruarekiko eta inguruarekiko konfiantza garatuz, pertsona trebea eta zoriontsua izateko".
Oinarrizko printzipio horiekin batera, aurtengo ikasturterako aurreikusitako berrikuntzak Kuku! Emozioen Programaren eskutik iritsi dira. Bestalde, Lehen Hezkuntzako esparru pedagogikoaren garapenaren barruan, KIMU programari esker, honen barruan dauden ikasleen oinarrizko gaitasunak garatzeko proposamen didaktikoak garatzean datza.
Zornotzako Ikastolak ere oinarrizko diziplina anitzeko gaitasunak modu egituratuan garatzen laguntzeko sortutako erronka batzuekin lan egiten du. Zentzu horretan, ikaskuntza-prozesu hori testuinguruaren arabera egiten da eta "testuinguruaren funtzioak azaleratuz, berehalako errealitatea ulertzeko eta horretan eragin ahal izateko", diote.
Metodologiak garrantzi handia du. Adibidez, matematikaren kasuan, Andramarik errealitateari ikuspegi matematiko batetik begiratuz sortu duen programa bat gauzatzen du. Horrela, ikasleari gaitasun matematikoak garatzea proposatzen dio, manipulaziotik formalizaziora, eta zehatzetik abstraktura.
Euskal hizkuntza eta literatura lantzea da ikastolak garatzen duen beste ardatz nagusietako bat. Lan honen guztiaren abiapuntu gisa, Andramarik kalitatezko testuak erabiltzen ditu haur literaturan. "Ahozko zein idatzizko testuekin jolasteko eta lan egiteko aukera ematen du: ulertu, eraldatu eta birsortu, hizkuntza- eta literatura-komunikaziorako gaitasuna garatzeko". Programa honen helburuetako bat, testutik hitzera eta hitzetik testura pasatzea da.
Andramari Ikastolaren hezkuntza-proiektuaren barruan nabarmentzekoa den beste plan bat EKI proiektua da. Hizkuntzen eskaintza ere nabarmendu behar da, hiru hizkuntzatan ikasteko aukera ematen baita, eta laugarren bat ikasteko aukera ere ematen dute; frantsesa.
Zentroak laguntza psikologikorako eta orientaziorako sail oso garrantzitsu bat ere badu. Egun bereziki, ezinbestekoa da norebere bizipenak ezagutzen eta kudeatzen jakitea egunerokotasunari modu indartsu baten aurre egin ahal izateko.
Azken urteotan gizarteak orokorrean izandako aldaketari erantzun egokia eman nahian, Andramari Zornotzako Ikastolan ikasle, familia eta irakasleentzako laguntza departamentua indartu dute, Hezkuntza Psikologo baten figurarekin.
Egungo familia ereduen aldaketa, harremantzeko bideen aldaketa, etengabeko komunikazioak...honek guztaik txiki eta nerabeekiko presioa areagotu du ondorio zuzenak izan dituelarik hauen izaera, sentimentu eta bizipenetan.
Horrez gain, orientazioa ere indartu izan da, ikasleei DBH amaitu eta gero zein ibilbide jarraitu erabakitzen laguntzeko. Horrela, Batxilergoko jarraipena Durangoko Ibaizabal ikastolan dute Andramari Zornotzako Ikastolako ikasleek.
Jaiak eta eskolako jaialdiak ere oso garrantzitsuak dira. Nahiz eta aurten horietako asko ezin izan diren ospatu, zentroak egutegi bat du, eta, bertan, Eguberrietako jaiak, inauteriak, euskal kulturarekin lotutako jardunaldiak, Santa Ageda, Aste Kulturala, eskalada eta eskia, irteera eta egonaldi ezberdinak... nabarmentzen dira.
* Eskaintzen diren zerbitzu batzuk:
- Hizkuntza-proiektua: euskaraz eta 4 hizkuntza uztartuz.
- Eskola jasangarriaren ziurtagiria; 2030erako Eskola Agenda.
- Bazkalosteko proiektua: esperientzia gastronomikoa bizitzea.
- KIVA programa bulling prebentzio programa eta Hezkidetza-plana.
- Curriculumetik kanpoko jarduera ugari.
