Mikel Azpirozek bere disko berria aurkeztuko du Bidebarrietan

Abenduaren 20an, asteazkena, arratsaldeko 19.00etatik aurrera, Mikel Azpirozek bere disko berria, 'Pake pieza' izenekoa, aurkeztuko du Bidebarrieta Kulturgunean. Ohi bezala, ekitaldia liburutegiko areto nagusian egingo da. Sarrerak salgai daude dagoeneko Bilbao Kulturaren webgunean, bost euroan.

Mikel Aspirozek, bere aurreko diskoen ("Gaua", "Zuri" eta "Islak") arrastoari jarraituz, entzulea egoera introspektibo eta gogoetatsuan jartzen duten bederatzi konposizioz osatutako bilduma argitaratu du. Azpirozen musika – Ricardo Aldarondo musika kritikariak deskribatu duen bezala – urtaro askotatik igarotzen da, konpartimentu estankoak osatu gabe, ñabarduretan aberatsa eta melodietan dotorea den estilo bat sintetizatzen duen hizkuntza bat sortuz, inoiz doakoak ez diren notekin: inpresionismoa, beste lurraldeetako usain exotikoak, euskaldunak ere, blues izkinatuena edo deriba abangoardista arinak.

Mikel Azpiroz sei urterekin hasi zen pianoan, eta kontserbatorioko musika klasikoko ikasketak jazzaren eta bluesaren interesera bideratu zituen laster. Musikari, konpositore eta ekoizle gisa bere ibilbide musikala garatzen du, bai bere proiektuetan (Elkano Browning Cream), bai kolaborazioetan (The Waifs, Duncan Dhu, Travellin "Brothers, Jabier Muguruza edo Elena Setien).

Aspirozekin batera Karlos Arancegui baterian eta Fernando Neira kontrabaxuan arituko dira.

Bidebarrieta Kulturgunea Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago.