Entrenatzaile pertsonala

'Mister' izatearen erronka

Nikola Arrasate gazte mungiarrak Mister Españako lehiaketan parte hartuko du lehen aldiz
Aukera bat izan daitekeela uste duen arren, gehien gustatzen zaiona entrenatzaile pertsonala izatea da

21.03.2021 | 12:21
Nikola Arrasatek Mungian du bere kontsulta.

Ia kasualitatez, Nikola Arrasatek ordezkatuko du Bizkaia Mister España lehiaketan. Inoiz ez da modan aritu, eta ez du pentsatu modeloa izatea edo horrelako lehiaketetan parte hartzea, baina sare sozialei esker, 26 urterekin, Mungiako gaztea lehiaketako lehen saria Bizkaira ekartzen saiatuko da. "Egia da desfileak edo modeloen mundua ez direla nire curriculumean sartzen, baina bai hauekin lotura duten hainbat gairekin lan egin dudala, batez ere markentzako argazki-saioetan, nire irudia erabili den kanpainetan adibidez", azaltzen du Arrasatek.

Mungiako gazteak adierazi duenez, "betidanik zaindu dut nire osasuna eta, batez ere, nire fisikoa, marka desberdinekin elkarlanean arituz, nire irudia erabiliz lanerako eta marka pertsonalerako erabili ahal izateko". Izan ere, "sei urte daramatzat entrenatzaile pertsonal eta nutrizio-aholkulari gisa lanean sektore horretan, eta helburu nagusia pertsona askoren osasuna hobetzen laguntzea da". Arrasatek gogorarazi du sare sozialen bidez jarri zirela berarekin harremanetan. "Probintzia bakoitzeko nor joaten den erabakitzen duen hautatzailea, ni hautagai ona izan nintekeela ikusi ondoren, moda eta modeloekin lotutako ekitaldi honetan parte hartzeko proposamena egin zidan. Imajinatzen dut nire profila aztertu eta ikusi ondoren proposamen hau planteatzeko ideia sortu zela".

Eta zentzu honetan, sare sozialei buruz, "gaur egun dena sare sozialetan" dagoela uste du. "Dena mugitzen da hortik. Jendeak diru eta denbora asko inbertitzen du plataforma horietan, eta, beraz, ezinbestekoa eta funtsezkoa iruditzen zait, eguneratuta egoteko eta edozein gauza susta-tzeko". Inguruko jendeak oso ondo hartu du. "Nire erabakiak babesten dituen jendea daukat ondoan, eta hala egin dute kasu honetan; beraz, oso pozik nago arlo horretan".

Abuztuaren amaieran edo irailaren hasieran izango da gala, "modu presentzialean eta kostaldeko zonalde batean". Oraingoz, hautagaiak ez dira elkartu eta "lehiaketaren egunetan bakarrik egingo dugula ulertu dut. Orain talde komun bat daukagu Whatsappean, beraz, parte-hartzaile guztien arteko lehen hurbilketa bat izan dugu", azaldu du Arrasatek. Pentsatu ez bazuen ere, orain ilusioz beteta dago.

"Beti gustatzen zait erronka berriei aurre egitea, eta ikusi ondoren gauza berria dela eta nolabait nire lanarekin lotuta dagoela, non irudia funtsezko zutabea den, erabaki nuen baietz, parte hartuko nuela. Gainera, ez da egunero eskaintzen dizuten zerbait", dio Arrasatek. Abuztuan egingo den lehiaketan parte hartzeari dagokionez, bere helburu nagusia "esperientzia bizitzea eta honen guztiaren zati positibo bat atera ahal izatea da. Hori bai, ez zaitut engainatuko, irabaz badaiteke, horren bila joango naiz, nire bertsiorik onena eskainiz eta horretarako prestatuz ".

Lehiaketa honetan parte hartzeko dituen bertuteei dagokienez, bere fisikoa nabarmentzen du, besteak beste: "Puntu garrantzitsua da eta denbora asko eman dut hori lantzen. Baina hori ez da nitaz nabarmenduko nukeen guztia, noski, pertsona gisa beste ezaugarri interesgarri asko ditudala uste baitut. Ezaugarrietako bat nabarmendu beharko banu, esango nuke pertsona apala naizela eta gogo handia dudala besteei bizi-kalitatea hobetzen laguntzeko", eta hori egiten du, gainera, bere lanarekin,"ahalik eta pertsona gehienei laguntzea baitu oinarri".

Modaren munduan jarraitzeari dagokionez, "inoiz ez dut baztertuko horrekin zerikusia duen edozein ekitaldi egitea, beti gustatu izan zait moda eta neure burua zaintzea, eta, beraz, aukera bat izan daiteke. Nire lanarekin guztiz uztartu dezakedan zerbait dela uste dut", dio. Izan ere, bere benetako pasioa pertsonen osasuna eta errendimendua hobetzea da bere laguntzarekin. Uste dut oraindik publiko zabalago batekin lan egin dezakedala, errendimendua hobetzeko ez ezik, bizitzak aldatzeko ere, hori da nire benetako pasioa.