GETXO. Getxoko ostalaritza establezimenduek kontuz ibili beharko dira gaur emango diren haize boladekin. Udaltzaingoak mezuak bidaliko dizkie neurriak har ditzaten terrazetan.

Aurrekoetan bezala, udalak Portu Zaharreko auzokideen elkarteari egoeraren berri eman dio, eta mezuak bidaliko dizkie arrisku aldeetako (Kirol Portua, Ereagako hondartza eta Portu Zaharra) merkatariei eta ostalariei. Era berean, Udalak Udal Turismo Bulegoa (itxita egongo da egun osoan) babesteko neurriak ere hartuko ditu eta lur-zakuak emango dizkie aipatutako guneetako establezimenduei.

Olatu handiengatiko alerta laranjak irauten duen bitartean, arrisku guneetarako bideak zainduko ditu Udaltzaingoak eta, egoeraren arabera, aurretik oinezkoentzat eta zirkulazioarentzat itxiko ditu edo murriztuko ditu (Pedro Bilbao estatuatik Portu Zaharrera hondartzaren ondotik doan bidea, Arriluze kairako pasabidea Faroraino, Ereagako igogailutik Portu Zaharrera eta abar). Portu Zaharreko aparkalekua ere itxiko da. Era berean, Udalak gogoratzen du alertak irauten duen bitartean hondartzetara sartzea debekatuta egongo dela.

GOMENDIOAK

Horrekin batera, herritarrei hurrengoak ere gomendatzen zaizkie:

  • Ez bainatu urruneko hondartzetan, behar beste ezagutzen ez dituzunetan edo zaintza eta salbamenduko zerbitzurik ez daukaten hondartzetan.
  • Ezta olatu handiak edo tirain handia dagoen lekuetan ere ez.
  • Urrundu olatuak lehertzen diren lekuetatik (haitz, kai-mutur, moila€).
  • Ez hurbildu itsas pasealeku, kai-mutur edo itsas labarretara. Uraren indar handiak eraman egin zaitzake.
  • Ez joan ibilgailuz kostako errepideetan.
  • Urpekaritza egitekoa bazinen, utzi beste baterako.
  • Saiatu ontzirik ez erabiltzen, eta begiratu ea ondo amarratuta dagoen.
  • Ez egin uretako kirolik, ezta inondik ere.
  • Itsasora erortzekotan, urrundu olatuak lehertzen diren lekutik, laguntza eskatu eta itxoin erreskatatu arte.
  • Olatuek eramatekotan, lasai egon, eta ez egin igeri korrontearen kontra; kostako korronteek indarra galtzen dute tarte batzuetan.