getxon

Ekonomia Sustapeneko Arloak 55 enpresen sorkuntza sustatu zuen 2018an

2018an 223 pertsona parte hartu zuten taldeko 44 saiotan

09.02.2020 | 07:32
2018. urtean 55 enpresa eratu ziren Ekonomia Sustapeneko Arloaren babesaz

2018an 223 pertsona parte hartu zuten taldeko 44 saiotan

BILBO. 2018an zehar, 263 pertsonak erabili zuten enpresa bat eraiki nahi dutenei Getxolanek eskaintzen dien aholkularitza zerbitzua (ideiaren azterketatik negozioa martxan jartzera arteko prozesua barne hartzen duena), %59 emakumezkoak izan ziren, eta %41 gizonezkoak. Gehienak (%37) 44 urtetik gorakoak izan ziren; %31, aldiz, 35 eta 43 urte bitartekoak; azkenik, %27 25etik 34 urtera artekoak ziren. Jatorriari dagokionez, %69 estatukoak izan ziren, eta %31 estatutik kanpokoak. Ekintzaile gehienek unibertsitateko ikasketak zituzten (%39).

Beste datu batzuk

2018an, 223 pertsonak hartu zuten parte taldeko 44 saiotan, eta horietan dauden laguntza eta diru-laguntzei buruzko informazioa jaso zuten, baita Getxolanek eskaintzen dituen zerbitzuei buruzkoa ere (ekintzailetza babesteko nahiz jada sortu diren enpresei laguntzekoak, enpresa-plan bat egitea zertan datzan?).

Banakako aholkularitzak 183 erabiltzaile berri atenditu zituen, 157 enpresa-proiektu berri zituztenak. 549 banakako saio egin ziren (alderdi pertsonalak eta curriculumekoak aztertzeko, erabiltzailearen aurretiazko diagnostikoa, daukan enpresa-ideia?). Eta enpresa-ideia zehazteko lan egiten zen (zerbitzuaren edo produktuaren definizioa, enpresa-plana sortzeko lana?). Gainera, bideragarritasunari buruzko 337 tutoretza eta espezializatutako 122 tutoretza (komertzialak, fiskalak, teknologikoak...) egin ziren.

Berariazko prestakuntzari dagokionez, enpresa kudeaketako 10 ikastaro egin ziren, 124 parte-hartzailerekin. Negozioa kudeatzeko oinarrizko prestakuntza eman zen (merkataritza, giza baliabideak, zergak, ekonomia eta finantzak, eta abar) eta 150 pertsonak 15 ikastarotan hartu zuten parte (salmentak, sare sozialak, aurrekontuak, merkataritza-plana...).

Ekonomia Sustapenerako beste zerbitzu batzuk

Behin eratuta, Getxoko enpresek doako aholkularitza zerbitzua dute kudeaketarekin lotutako hainbat alorretan: estrategia, alor komertziala, ekonomikoa eta finantzarioa, legala, fiskala, teknologikoa... Zerbitzua udalerriko enpresa guztientzat dago eskuragarri, beren jarduera gorabehera: ostalaritzakoak, turistikoak, zerbitzuetakoak...

Gainera, Getxolanek hainbat zerbitzu jartzen ditu enpresen eta ekintzaileen eskura, erabat dohainik: prestakuntza saioak, Getxo MEETING (enpresek eta pertsona ekintzaileek hamabost egunean behin egiten duten topaketa, esperientziak partekatu eta elkar inspiratzeko), lan egiteko espazioak (Getxo CO-WORKING, bilera gelak...), Wanted (Gazteria Arloarekin batera, gazteek garatutako proiektuak (enpresakoak edo ez) martxan jartzeko babesa), diru-laguntzak langileak kontratatzeko eta dinamizazio-jarduerak egiteko, eta merkataritzaren, ostalaritzaren eta turismoaren sektoreetarako berariazko programak.

noticias de deia