ERMUA. Koronabirusak eragindako sei asteko etenaren ondoren, Ermuko merkatu txikiak atzo ireki zituen berriro bere ateak. Hori bai, jarduera murriztuarekin, hiru saltoki bakarrik zabaldu baitzuten San Pelaio parkean. Gaur, ostirala, jai eguna denez, ostegunera aurreratzeko erabakia hartu zuten.
Ermuan atzo jarri zitezkeen lau saltokitatik hiru postu izan ziren, fruta, ozpinetako jakiak eta bakailaoa eskaini dituztenak. Aitzitik, ezin izan dira egon oraingoz baimenik jaso ez duten ehungintzako postu klasikoak, barruko arropa, oinetakoak, tresneria, oparitarako gaiak, imitaziozko bitxiak eta une honetan funtsezkoak ez diren beste artikulu batzuk.
Azoka txikiari berriro ekitea pandemia egoera honetan izaten ari garen aurrerapenaren beste adibide bat da. Pertsonak kalera itzultzeak eta jarduera berreskuratzeak poz eta itxaropen dosi bat ekarri digu gaur egun.
ABELETXEK 150 MASKARA GEHIAGO JASO DITU
Beste alde batetik, Bizkaiko Foru Aldundiaren Abeletxe egoitzarekin lankidetzan jarraitzen du Ermuko udalak, eta, duela gutxi, aurpegiko beste 150 maskara entregatu ditu, 2016/425 (EB) Erregelamenduaren araberakoak eta FFP2 babes kategoriakoak, horiek baitira kutsatze birikoa saihesteko babes indibidual maila estandar handiena dutenak.
Babes-material hori Bizkaiko Foru Aldundiarekin egindako lankidetza-kanpainari gehitu behar zaio. Kanpaina hori Ermuko udalak abiarazi zuen, osasun-larrialdia dela-eta, eta horren ondorioak oraindik nabari dira.
Covid-19 pandemiaren aurrean pertsona ahulenak artatzen dituzten langileentzako babes-material gutxi dagoenez, nahiz eta eskasia gainditzen ari den, bilaketa- eta eskuratze-sistema guztiak indartu behar izan dira, eta horri lagundu dio gure herriko udalaren erosketa edo hornidura-zerbitzuak.
Pandemiaren bilakaerari buruzko adierazleek hobera egiten ari dira, progresiboki osasun- eta asistentzia-sistemen beharrak arintzen baditu ere, ez du saihesten etengabe entzuteko eta lankidetzan aritzeko ildoa mantentzea, bai adinekoentzako Abeletxe egoitzarekin, bai bertan bizi diren pertsonen familiekin.
