Haur eta Nerabeen Udal Kontseilua Aburtorekin bildu da ikastaroaren balantzea egiteko

28.04.2022 | 15:24
Haur eta Nerabeen Udal Kontseilua Aburtorekin bildu da ikastaroaren balantzea egiteko

Asteazken honetan, Bilboko alkatea, Juan Mari Aburto, Haurren eta Nerabeen Udal Kontseiluko ordezkari batekin bildu da, ikasturte honetan egindako jardueren berri emateko. Zehazki, matxismoaren, arrazakeriaren, genero-indarkeriaren eta animalien matratuaren inguruan egindako lanaren berri eman du alkateak.

Alkatearekin batera izan dira bileran Isidro Elezgarai Unicefen Euskadiko Batzordeko Presidentea, eta Gizarte Ekintza Saileko Zinegotziak eta Zuzendaria, Juan Ibarretxe, Iñigo Zubizarreta eta Kontxi Claver, baita Berdintasuneko; Lankidetza, Bizikidetza eta Jaietako, eta Osasun eta Kontsumoko Zinegotziak ere: Itziar Urtasun, Nekane Alonso eta Yolanda Díez, hurrenez hurren.

Umeek matxismoa, arrazakeria, genero-indarkeria eta animalien aurkako tratu txarrak gaitzesteko manifestua irakurri dute, Ume eta Nerabeen Udal Kontseiluko lan batzordeetan beraiek egindakoa. Era berean, ikastetxeetan horrelako bazterketa eta tratu txarren egoerak errotik kentzeko proposamenak helarazi dizkiote Alkateari, eta horien artean, honako hauek nabarmendu dira: edozein erasoren salaketa eta esku-hartze goiztiarra, biktimen defentsa, enpatiaren sustapena, gizarte-arazo honi buruzko eskola mailako lana, kulturaniztasunaren defentsa edota arriskua identifikatzeko keinuren baten sorrera.

UME ETA NERABEEN UDAL KONTSEILUA

Apirilaren 7an, 46 adingabek osatzen duten Ume eta Nerabeen Udal Kontseilu honen hamargarren osoko bilkura egin zen San Frantziskoko Udaltegian.

Kontseilu honen bitartez, Bilboko Udalak Bilboko ume eta nerabeeen parte-hartzea sustatzen du uriaren eraikuntzan. Ordezkariak urtean birritan biltzen dira Osoko Bilkuran, eta, gainera, lan-batzorde batean eta bestean parte hartzen dute. Era horretan, gazteek Udalaren jarduera ebaluatzen dute, eta uria hobetzeko interesgarriak eta beharrezkoak deritzen proiektuak aurkezten dituzte.

Uriak "Bilbo, umeen laguna" titulua lortu zuen 2018ko azaroan UNICEFen eskutik. Zigilu horrekin, UNICEFek ezagutza agertzen dio Bilboko Udalak umeen eta nerabeen alde egiten duen lanari eta lan horren garrantzia azpimarratzen du.

noticias de deia