Bilboko Udalaren dirulaguntzen programa 3,2 milioi eurokoa izango da

Laguntza ekonomiko horiek jaso ahal izango dituzte gizartearentzat mesedegarri diren proiektuak garatzeko interesa duten entitateek, Udalaren jardueraren osagarri izaten baitira proiektuok, eta Udalaren sail batzuek eta besteek beren jardun-eremuetan aurreikusitako helburuak lortzeko lagungarri: Partaidetza eta Barrutiak, Kultura, Euskara, Hezkuntza, Immigrazioa eta Kulturartekotasuna, Jaiak, Berdintasuna eta genero-indarkeriarekin amaitzeko arloa, Gazteria, Ingurumena, Osasuna eta Kontsumoa, eta Garapenerako Lankidetza eta Giza Eskubideak.

Dirulaguntzen udal programa hau osagarri garrantzitsua da Udaleko sailek irabazi asmorik gabeko erakundeen bitartez abiarazten dituzten jardueretarako.

Dirulaguntzetarako eskariak aurkezteko epea 2021eko urtarrilaren 5etik 2021eko otsailaren 17ra egongo da zabalik, biak barne. Dirulaguntzen eskariak hemen aurkeztu ditzakete entitateek:

• Bilboko Udalaren web-orrian dagoen formularioan.
• Erregistroan (eskatutako dokumentuak aurkeztuz).
• Herritarren Arreta Bulegoan, hitzordua eskatu ostean.
• Barrutietako udaltegietan, han aurkituko dute-eta prozesu osoaren dokumentazioa, hitzordua eskatuta.
• Bilboko Udalaren egoitza elektronikoaren bitartez.

Zalantzarik izanez gero, deitu 010 / 944.010.010 telefonora, 08:00etatik 20:00etara, astelehenetik igandera. Gainera, online tutorial bat dago Bilboko Udalaren web-orrian, eskaerak nola egin ulertzeko.

Udalaren web-orri berean, entitateek euren jarduketa-eremuaren arabera parte hartu dezaketen deialdiak kontsultatu ditzakete, eta euren eskaera zein egoeratan dagoen begiratu ahal dute, bai 2021ekoa bai aurreko deialdietakoak (2007tik aurrera, barne).

Inprimakiak errazago bete eta oinarriak eta beste agiri batzuk hobeto ulertu ahal izateko, agiri batzuk irakurketa errazeko formatuan daude eskuragarri.

2021EKO DIRULAGUNTZAK, EREMUKA

2021eko deialdi honetarako, guztira 3.242.523 euro bideratu ditu Bilboko Udalak dirulaguntzetan, 11 esparru eta 24 laguntza-ildotan banatuta, honela:

Garapenerako Lankidetza eta Giza Eskubideak

2.436.223 euro, honela banatuta:

• Garapenerako nazioarteko lankidetzako urteko programak: helburu nagusia gastu arrunta duten proiektuetarako programak: 655.000 euro
• Garapenerako nazioarteko lankidetzako urteko programak: helburu nagusia inbertsioa duten proiektuetarako programak: 576.123 euro
• Garapenerako nazioarteko lankidetzako hainbat urteko programak: helburu nagusia gastu arrunta duten proiektuetarako programak: 545.100 euro
• Garapenerako nazioarteko lankidetzako zenbait urteko programak: helburu nagusia inbertsioa duten proiektuetarako programak: 450.000 euro
• Sentsibilizaziorako, gizarte eraldaketarako hezkuntzarako eta giza eskubideetarako urteko programa: 130.000 euro
• Sentsibilizaziorako, gizarte eraldaketarako hezkuntzarako eta giza eskubideetarako bi urteko programak: 80.000 euro.

Kultura

Guztira 129.200 euroko dirulaguntza emango da, kultura-jarduerak sustatzeko.

Hezkuntza

158.300 euro bideratuko dira, hauetarako:

• Hezkuntzari laguntzeko programak: 98.300 euro.
• Eskolako igeriketan laguntzeko programak: 60.000 euro.

Euskara

Euskararen erabilerarako dirulaguntzak 160.000 eurora iritsiko dira, kontzeptu hauetan banatuta:

• Eskoletako programak: 30.000 euro.
• Euskararen erabilera sustatzea: 130.000 euro.

Jaiak

48.000 euro, oso-osorik auzoetako jaietarako.

Immigrazioa

35.000 euro, programa hauetarako:

• Etorkinen elkarteen funtzionamendurako: 15.000 euro.
• Kulturartekotasuna eta gizarte kohesioa sustatzea: 20.000 euro.

Gazteria

50.000 euroko laguntza emango da, honela banatuta:

• Haurrentzako, nerabeentzako eta gazteentzako programetarako eta jardueretarako laguntza: 30.000 euro.
• Gazte boluntarioak bultzatzea: 20.000 euro

Ingurumena

50.000 euroko laguntza emango da, honela banatuta:

• Jasangarritasuna, mugikortasuna eta klima-aldaketa: 20.000 euro.
• Auzoko bihotzak izenekoak ingurumenaren eta gizartearen aldetik hobetzea, 2030 Eskolako Agendaren bidez: 30.000 euro.

Berdintasuna eta genero-indarkeriarekin amaitzeko arloa

74.000 euro, honela banatuta:

• Elkarteen mugimendua ahalduntzea: 15.000 euro.
• Norbere bizimodua, etxekoa eta lanekoa uztartzeko eta ardurak banatzeko ekimenetarako: 17.000 euro.
• Genero-indarkeriaren prebentziorako ekimenak: 27.000 euro.
• Sexu eta genero aniztasunaz sentsibilizatzeko eta LGTBIQ+ pertsonen kontrako indarkeria prebenitzeko ekimenak: 15.000 euro.

Partaidetza eta Barrutiak

Aurrekontua 20.800 eurokoa da. Zenbateko hori Herritarren Partaidetzako Erakundeen Udal Erroldan izena emanda duten auzo-elkarteen garapenean laguntzeko, elkarte horien jarduteko eremua auzoa edo barrutia denean, eta herritarren partaidetza bultzatzeko izango da.

Osasuna eta Kontsumoa

81.000 euro, honela banatuta:

• Osasuna sustatzeko programak babestea: 81.000 euro.