Coronavirusa dela eta

Bilboko Udalak herritarrei arreta emateko zerbitzuak murriztu ditu

16.03.2020 | 10:01
Bilboko udaletxea.

BILBO. Coronavirusa dela eta, Bilboko Udalak herritarrei arreta emateko zerbitzuak murriztu egin ditu. Horrela, San Agustin eraikinean dagoen Erregistro Orokorrean eta Udal Barrutietako Zentro batzuetan zentralizatu egin ditu arreta-zerbitzuak. Gizarte-larrialdiak Oinarrizko Gizarte Zerbitzuetan artatzen jarraituko dira.

Arreta-ordutegia goizez izango da, 10:00etatik 13:00etara, eta Eusko Jaurlaritzako Osasun Sailak ezarritako neurriak errespetatzeko eskatzen zaie zerbitzu horiek erabiltzen dituzten pertsonei.

Langileen segurtasuna bermatzeko adostutako jarraibideez gain, Udalak gel-banagailuak jarriko ditu eskuak garbitzeko, eta erabiltzaileen eta funtzionarioen arteko segurtasun-distantziak kontrolatuko dira. Arreta-postu bakoitzeko pertsona bakarra baimenduko da, eta udal-instalazio horietan guztietan, jendearen edukiera ordenatuko da eta ez da baimendutako pertsona-kopurua gaindituko.

Premiazkotzat jotzen ez diren izapideak edo arretak telematikoki egingo dira, helbide elektronikoaren bidez edo 94 401 00 10 edo 010 telefonoen bidez.

Era berean, Udalak gogorarazten du udal zerbitzuei buruzko edozein kontsulta, gorabehera, kexa edo iradokizun online egin daitekeela zure Udalak aditzen dizu atariaren bidez.

DOKUMENTUEN SARREREN ERREGISTROA

  • Ernesto Erkoreka plaza, San Agustin eraikina.
  • Deustuko Udal Zentroa, Lehendakari Agirre 42. Tel.: 94 476 23 31
  • Txurdinagako Udal Zentroa, Txomin Garat 12-18. Tel.: 94 411 46 96
  • Begoñako Udal Zentroa, Club Deportivoren Zirko Amateurraren kalea. Tel.: 94 411 68 72
  • Ibaiondoko Udal Zentroa, Pilota 10. Tel.: 94 416 31 99
  • Abandoko Udal Zentroa. Elkano 20-22. Tel: 94 423 37 96
  • Rekaldeko Udal Zentroa. Altube zeharbidea 6. Tel.: 94 444 73 39
  • Basurtuko Udal Zentroa. Zankoeta kalea 1. Tel.: 94 420 49 57

OINARRIZKO GIZARTE ZERBITZUAK:

  • Basurtu-Altamira. Zankoeta 1. Tel.: 94 420 50 57
  • Alde Zaharra, Pilota 10. Tel.: 94 415 66 46
  • Abando-Indautxu. Uribitarte pasealekua. Tel.: 94 420 54 60
  • Deustu-San Ignazio. Lehendakari Agirre 42. Tel.: 94 447 76 54
  • Irala-San Adrian. Jaro Arana 1. Tel.: 94 421 02 05
  • Otxarkoaga-Txurdinaga. Zizeruena 4. Tel.: 94 473 23 64
  • Rekalde-Peñaskal. Altube zeharbidea 6. Tel.: 94 410 51 52
  • San Frantzsiko-La Peña. Mirasol Kontea 2. Tel.: 94 416 81 33
  • Santutxu-Bolueta. Club Deportivoren Zirko Amateurraren kalea 2. Tel.: 94 473 47 45
  • Uribarri-Zurbaran. Castaños 11. Tel.: 94 420 59 60
  • Zorrotza. Zorrotza-Kastrexana errepidea 22. Tel.: 94 425 23 16