Uztailaren 16tik abuztuaren 13ra

"Uda zinea gure auzoan" programak aire zabaleko zinea eskainiko du Bilbon

Saio guztiak 21:30ean hasiko dira eta lehenengoa Eleiz Museoko klaustroan izango da

09.02.2020 | 08:48
Abuztuaren 13ra arte zortzi saio programatu dira barruti guztietan. Film laburrak, klasikoak, Euskadiko eta Europako zinea eta ekoizpen lan handiak eskainiko ditu Atxuri, Txurdinaga, Basurtu, Indautxu, Castaños, Ibarrekolanda, Santutxu eta Errekalde auzoe

Saio guztiak 21:30ean hasiko dira eta lehenengoa Eleiz Museoko klaustroan izango da

BILBO. Ohikoa denez, saio guztiak 21:30ean hasiko dira, euskal film labur batekin, eta ondoren film luzea etorriko da. "Udan zinea zure auzoan" ekimena datorren asteartean, uztailaren 16an, hasiko da, Eleiz Museoko klaustroan, Bilboko Zinemaldi Fantastikoaren?FANTen azken edizioan Euskal film labur onenaren saria irabazi zuen Diego Kataryniuken "Amargo era el postre" (2018) film laburrarekin. Ondoren, ?baita ere gaztelaniaz, euskarazko azpi-tituluekin, aipatutako film laburra bezala? Brian de Palmak zuzendutako "El fantasma del paraíso" (1974) kultuzko film klasikoa emango da.

Ostegunean, uztailaren 18an, Txurdinagako Garaizar plazako saioa Neftalí Velaren "Remanecer" (2013) film laburrarekin irekiko da, eta ondoren Guillermo del Tororen "La forma del agua" (2018) filma proiektatuko da, 1963 inguruko Estatu Batuetan, Gerra Hotzaren garaian, girotuta dagoen fantasiazko ipuin harrigarria. Zinegileak lau Oscar sari lortu zituen iaz, Film Onenarena eta Zuzendaritza Onenarena barne.

Programazioa, duela denbora gutxi ekoiztutako genero guztietako filmen aukeraketarekin osatzen da, horietako batzuk euskal ekoizpenak eta euskaraz egindako filmak: Arantxa Echevarría bilbotarraren "Carmen y Lola" (2018) ?Taldeko Emakume Antzezle Onenaren eta Zuzendaritza Hasiberri Onenaren 2019ko Goya Sariak?, Josu Martínezen "Jainkoak ez dit barkatzen" (2018), Jon Garañoren eta Aitor Arregiren "Handia" (2018), Álex de la Iglesia bilbotarraren "El Bar" (2017), Marta Díaz de Loperen "Mi querida cofradía" (2018), eta iaz ikus-entzule gehien izan zituen laugarren filma, J.A. Bayonaren "Jurassic World: El reino caído" (2018).

Emanaldi guztien aurretik euskal film labur bat eskainiko da. Aurtengo edizioan lan hauek ikusi ahal izango dira: David P. Sañudoren "Ane" (2019), Norma Vilaren "El fin de todas las cosas" (2019), Josu Martínezen "Ama" (2018), Aitzol Saratxagaren "Basoan" (2018), Imanol Ortizen "Moda" (2018) eta Sara Fantovaren "No me despertéis" (2019). Izan ere, edizio honetan aipagarria izango da emakume zinegileen presentzia, eta baita bertan ekoiztutako zinearena ere, film laburretan zein luzeetan.