Ermua Antzokiak lau film proiektatuko ditu aste honetan

Astero bezala, Ermua Antzokiak lau proposamen eskainiko ditu aste honetan, ostegunetik astelehenera bitartean. Aste honetako proposamenak ‘Águilas de El Cairo’, ‘Incontrolable’, ‘Kraken: el libro negro de las horas’ eta ‘Ninja laukiduna. Sorrera’ izango dira.

Ostegunean zineklubaren saioan ‘Águilas de El Cairo’ filma ikusi ahal izango dugu, Tarik Salehk zuzendutako 127 minutuko ekoizpen suediarra. Drama eta politika nahasten dituen thrillerra da, jatorrizko bertsioan gaztelaniazko azpitituluekin ikusi ahal izango duguna. Filmak kontatzen du nola George Fahmyk, Egiptoko aktorerik maitatuenak, Egiptoko agintari gorenek enkargatutako film baten protagonista izateko presioa jasotzen duen. Gogoz kontra onartzen duen arren, herrialdeko pertsona boteretsuenen talde hautatuan sartzeko atea izango da paper hori.

Zine komertzialari dagokionez, larunbatean 19:30ean eta astelehenean 20:30ean, hurrenez hurren, ‘Incontrolable’ Kirk Jonesek zuzendu duen ekoizpen britainiarra ikusi ahal izango dugu. Benetako gertakarietan oinarritutako drama da, gaixotasun arraro bati heltzen diona. John Davidson-i Tourette sindromea diagnostikatu zioten 15 urterekin. Bere kideek ero bezala seinalatua, Johnek inor gutxik ezagutzen zuen baldintza batekin borrokatu zuen.

Asteburua

Asteko bigarren proposamen komertziala ‘Kraken: el libro negro de las horas'; aurten bertan estreinatutakoa, Manuel Sanabriak eta Joaquín Llamasek zuzenduta. 111 minutuko luzapena duen ekoizpen nazionala da. Thriller poliziakoa, intrigazkoa. Eva G. Saénz de Urturiren eleberrian oinarrituta dago eta Gasteizen kokatzen da 2022an. Unai López de Ayala inspektore ohi eta profilatzaile kriminalak, Kraken ezizenez ezagutzen denak, dei anonimoa jaso du, bere familiaren iraganaz dakiena erabat aldatuko duena. Larunbatean 22:00etan eta igandean 20:30ean ikusi ahal izango dugu, hurrenez hurren.

Azkenik, gazte eta familientzako saioan, igandeko 17:00etan, ‘Ninja laukiduna. Sorrera’. Ekoizpen daniarra, iaz estreinatutakoa. Ninjen inguruko akziozko eta abenturazko zinema. Nerabe batek ninjen abenturekiko interesa galdu du, bere ninja lagun magikoa axolagabe eta triste sentiaraziz. Gaztearen errutina errotik aldatzen da arazoak sortzen dituen matoi batekin topo egiten duenean, horren ondorioz, bere beldurrei aurre egin behar izango die. Bere lagun ninjak bere burua defendatzera eta bere buruarengan konfiantza berreskuratzera bultzatzen du.