Barakaldok BreakOnStage 2026 Dantza urbanoen nazioarteko jaialdia ospatuko du larunbatean

Datorren larunbatean, apirilaren 25ean, dantza urbanoen egoitza izango da Barakaldo, bertan ospatuko baita BreakOnStage 2026 nazioarteko jaialdia. Aurten, nobedade gisa, udalerriko bi gunetan banatuko dira ekitaldiak: Herriko plaza breakdance txapelketako sailkapen txandekin, sarrera librearekin, eta Barakaldo Antzokia breakdance eta dantza urbanoen ikuskizun nagusiarekin, sarrerarekin.

Breakdance lehiaketa bi modalitatetan jokatuko da. Alde batetik, 3vs3 breaking formatuan, hiru breakerrez osatutako taldeak elkarren aurka lehiatuko dira. Modalitate honetan Toulouse, Bartzelona, Iruñea, Vigo, Bilbo, Madril eta Venezuelako taldeek parte hartuko dute; fase desberdinetan lehiatuko dira finalera iritsi arte, eta finala Barakaldo Antzokian jokatuko da.

Breakdance 1vs1 Sub-18 modalitatean dinamika berbera izango da, baina kasu honetan norgehiagoka banakakoak izango dira eta 18 urtez azpikoei zuzenduta egongo dira. Gainera, breakdanceko ranking estatalerako puntuagarria den proba ofiziala izango da.

Hiru ardatz nagusi

BreakOnStage 2026ko ekitaldi nagusia hiru ardatzen inguruan antolatuko da: dantza urbanoen finala (hiru kategoriatan banatuta), breakdance txapelketaren finala eta kultura urbanoko hainbat show.

Dantza urbanoetako sailkapen faseetan 98 taldek hartu dute parte, 1.000 gazte baino gehiagorekin, hiru txandatan banatuta. Prozesu honen ondoren, koreografia onenek final handian lehiatuko dira, hiru kategoriatan banatuta.

Haur kategorian, finalistak hauek dira: Ohanitas (Bilbo), Playground (Trapagaran) eta Bambooinos (Donostia). Junior mailan, Slipers (Durangaldea), Legacy Breath (Iruñea) eta Agatsu (Gasteiz) lehiatuko dira. Absolutu kategorian, berriz, hiru finalistak Bilbokoak dira: Elektrokat, Factoritos eta Mauloa.

Gainera, ekitaldiak dantza urbanoekin lotutako diziplina desberdinetako hiru ikuskizun labur izango ditu: Legacy (Bartzelona-Venezuela), Terminal 21 (Vigo-Zaragoza) eta Team Rockers (Iruñea). Hauek guztiek aniztasuna emango diote ikuskizunari.

Era berean, breakdance finalak jokatuko dira, Herriko Plazan jokatutako aurreko txandetatik sailkatutako parte-hartzaileekin, 1vs1 Sub-18 eta 3vs3 kategorietan.

Sarrerak

Barakaldo Antzokiko ikuskizunerako sarrerak salgai daude 12 euroan, eta 9 euroan Kutxabank txartelekin.

BreakOnStage Logela Multimedia eta Barakaldoko Udalak antolatzen dute, Bizkaiko Foru Aldundiaren, Kutxabanken eta Barakaldo Antzokiaren laguntzarekin.