Ostegun honetan goizean, otsailaren 19an, datorren asteburuan ospatuko diren inauterietarako prestatutako egitaraua aurkeztu egin du Sestaoko Udalak. Aurten, aurrekoetan bezala, adin guztietarako jardueraz beteta dator.
Carlos Garcia de Andoin Kulturako zinegotziak azpimarratu du “jairik esperoenetakoa dela gure herritarrentzat. Egun horietan irudimenak kaleak hartzen ditu, eta guneak, alaitasuna eta belaunaldien arteko bizikidetza partekatzen ditugu”. Aurrekoaren harira, nabarmendu du “Inauteria aukera bat dela topatzeko, barre egiteko eta erkidegoaren sentimendua indartzeko. Izan ere, horiek dira gure herriaren nortasuna jorratzen dutenak”.
Horrez gain, aurten jende asko hurbiltzea espero da eguraldi ona iragarrita dagoelako eta udalerri askok beren jarduerak bertan behera utzi edo murriztu zituztelako pasa den asteburuan euriak bultzatuta. “Itxuraz, oso asteburu alaia izango dugu, kaleak korolez eta parte-hartzaileez beteko dira; are gehiago, beste udalerri batzuetako bisitariak hartuko ditugu gure inauterian parte hartu nahi izanez gero”, azaldu du zinegotziak.
García de Andoinek balioa eman nahi izan dio jai hauen izaera kolektiboari: “Goraipatu nahi ditut, batez ere, kultur elkarteen inplikazioa eta udal-zerbitzuen lana. Haien laguntzarik gabe, jai hauek ezingo lirateke egin. Inauteria eredu argia da ikusteko batera lan egiten dugunean Sestao toki bizi, dinamiko eta adeitsu bihurtzen dela”.
Ostirala: eskola-kalejira, 70eko tradizioa eta musika
Programazioa ostiraleko 11:00etan hasiko da eskola-kalejira tradizionalari esker. Aurten partaidetza apur bat txikiagoa izan arren aste zuriko oporraldia dela eta, Albiz eta Amor Misericordioso ikastetxeek Kasko plazaraino desfilatuko dute, eta bertan Paco DJren emanaldiaz gozatuko dute.
Arratsaldean, 17:30etik aurrera, Gazteguneak haurrentzako tailerra antolatuko du San Pedro plazan aurpegiak margotu eta maskarak egiteko.
18:30ean, Salleko eta Arriskugarri dantza-taldeek Lantzeko Inauteri tradizionala antzeztuko dute kalejira batean Kuetoko Gurutzetik Kasko plazaraino, Balmaseda Kodearen kalean eta Orfeoiaren plazan etenda. 20:00ak inguru Miel Otxin erreko da, eta jardunaldiko unerik adierazgarrienetako bat izango da.
Ostirala La Quinta Reserva taldearen musikarekin amaituko da San Pedro plazan, 70eko hamarkadako kanta arrakastatsuenen bilduma eskainiz.
Larunbata: Maskotentzako Inauteria eta Desfile Handia
Larunbatean goizean Maskotentzako Inauteri tradizionala egingo da, Zaunka Ladridos saltokiak antolatuta.
13:00etan, Eusko Lorak dantza-taldea auzoetan zehar ibiliko da sardina eramanez kalejira tradizionalean, eta San Pedro plazan amaituko da azken dantzarekin.
Arratsaldean, 18:00etan, musika-animazioa izango da San Pedro plazan Paco DJren emanaldiari esker. 18:30ean, Inauteriko desfile handia hasiko da, eta jende askok parte hartzea espero da. Aurten 11.300 euro banatuko dira sarietan.
Kulturako zinegotziak azaldu du aurten izena emateko dokumentazio gehiago behar izan dela, sariak legez izapidetu behar baitira dirulaguntza gisa, beraz, administraziobaldintza berriak ezinbestekoak dira. Udalak barkamena eskatu du balizko eragozpenak direla eta, eta lagunarteen lankidetza eskertu da. Azpimarratu du malgutasunez ari dela eta izapideak egiten lagunduz.
Era berean, Las Llanas zumartegiko obrek bultzatuta, lagunarteak eta karrozak aurten udaletxearen parean eta Kale Nagusian kokatuko dira, ohiko kokapenaren ordez.
Sariak entregatu ostean, musikak jarraituko du gauerdira arte San Pedro plazan Bilbo Sonidoko DJekin.
Gauean, bertako ostalaritza topagune bihurtuko da El Despiste eta KuKlux fanfarreen animazioari esker.
Igandea: Dantzaldia orkestrarekin eta sardinaren ehorzketa La Benedictan
Igandean, 17:30ean, Dantza Alai orkestraren dantzaldia izango da San Pedro plazan. 18:00etan, gozo-eltzearen jolas tradizionala egingo da.
Jaiak 19:30ean amaituko dira sardina ehortziz La Benedictan. Jaisteko, El Despiste fanfarrearen eta hiletarien laguntza izango da.
Segurtasun-antolaketa berezia eta puntu morea
Herritarren Segurtasun Arloak, Ertzaintzaren eta babes zibileko boluntarioen laguntzaz, antolaketa berezia egin du asteburu guztian zaintza areagotzeko.
Gainera, Udalak puntu morea jarriko du San Pedro plazan indarkeria matxistaren balizko biktimak artatzeko. Jardunean egongo da ostiralean 23:00etatik 01:00etara eta larunbatean 23:00etatik 03:00etara.
Amaitzeko, García de Andoinek herritarrak animatu ditu eraginkortasunez parte hartzera: “Herritar guztiei gonbita luzatzen diegu mozorrotzeko, kalera irteteko eta egun hauek partekatzeko. Inauteri koloretsuak, musikaz eta alaitasunez beteta, nahi ditugu, baina betiere errespetua eta giro paregabe nagusi izanda”.
